رەسەيدە وقۋشى قىز مەكتەپتە وق جاۋدىرىپ, سىنىپتاسىن اتىپ ءولتىردى

Mash پورتالىنىڭ مالىمەتىنشە, 8-سىنىپ وقۋشىسى ا.الينا ەسىمدى قىز 4-قاباتقا كوتەرىلىپ, سىنىپقا كىرىپ جالما-جان وق جاۋدىرا باستاعان. وقۋشى قىز 5 ادامدى جارالاپ ۇلگەرسە, 1 وقۋشى قىزدىڭ وعىنان قازا تاپقان. سوڭىنان ا.الينا وزىنە دە وق اتىپ, سۋيتسيد جاساعان.    وقيعانىڭ باستى سەبەبى, قىزدىڭ سىنىپتاستارىمەن جانجالداسىپ قالۋى دەپ بولجانىپ وتىر.   قىز قارۋدى ىشكە قوراپقا سالىپ كىرگىزگەن. قارۋ ونىڭ اكەسىنە تيەسىلى «بەكاس-3»,16 كاليبرلى اڭشى مىلتىعى. قازىر مەكتەپ عيماراتى وقشاۋلانىپ, قورشالعان. رەسەي ىشكى ىستەر ورگانى وقيعاعا قاتىستى قىلمىستىق تەكسەرۋ باستالعانىن مالىمدەدى.