ىزگى نيەتتى جاندار

اسىلىندا, ۆولونتەرلەردىڭ ەرىكتى ەرلىگىن ۇدايى ناسيحاتتاۋىمىز قاجەت. ويتكەنى الەم ابىگەرگە ءتۇسىپ, كوپتىڭ كو­ڭىلى كۇپتى بولعاندا ءبىر-بىرىنە كومەك­تە­سىپ, بارىمەن بولىسەتىن وسى جاناشىر­لار. ءتول گەنەتيكاداعى ءجىپتى ۇزبەي, قوعامنىڭ مەيىر­لەنە تۇسۋىنە سەپ بولىپ جۇرگەندەردىڭ ءبىرى – اقەركە يسكاندەروۆا.

«ۆولونتەرلىككە ومىرلىك ۇستانىمىم مەن كەز كەلگەن ورتاداعى بەلسەندىلىگىم جول اشتى. مەكتەپ كەزىنەن ەرىكتىلىكتى سەرىك ەتتىم. ءاردايىم ەكولوگيالىق ناۋ­قان­دارعا قاتىسىپ, قارتتارعا كومەك كور­­سەتىپ جۇرەتىنبىز. كەيىن ستۋدەنتتىك شاق­تا تۇبەگەيلى ۆولونتەرلىككە كىرىستىم. «ەكسپو» حالىقارالىق كورمەسىندە, قا­لا­­لىق ەرىكتىلەر شتابىندا بولىپ, دارى­­گەرلەرگە, پوليتسەيلەرگە, كەدەن قىز­مەتىنىڭ وكىلدەرىنە, مادەني ۇيىمداردىڭ قىزمەتكەرلەرىنە بەلسەندى تۇردە قولعابىس ەتتىم. ارتىنشا «جاستار رۋحى» جاستار قاناتىنا قوسىلدىم. ورىنباسارلىق قىزمەتكە كوتەرىلدىم. كۇندەلىكتى ومىردە, قوعامدىق قىزمەتتە ۆولونتەرلەر تاراپىنان كورسەتىلەتىن كومەك ۇلكەن ءرول ات­قاراتىنىن ەسىمىزدەن شىعارماۋىمىز كەرەك. جاستار قاناتىنىڭ كەز كەلگەن وكىلى نەمەسە بەلسەندىسى مەن سەكىلدى قىز­مەت جولىن ەرىكتىلىكتەن باستادى دەسەم, قاتەلەسپەيمىن. مەكتەپ وقۋشىسىنان باس­تاپ قاريالارىمىزعا دەيىن ارقاشان قولۇشىن سوزۋعا ۇمتىلىپ تۇراتىن ءبىزدىڭ ازاماتتار بويىنا مەيىرىمدىلىك, ادالدىق, ەڭبەك­قورلىق سىندى قاسيەتتەردى جينا­عان. ءبىزدىڭ توپ ەلىمىزدەگى ەڭ ۇلكەن ءارى ەڭ كوپ جاستىڭ باسىن قوسقان ۇيىم رەتىندە ءوز قاتارىنداعى رۋحى بيىك ۆو­لون­تەرىمەن ماقتانادى. ۆولونتەر بولۋ وڭاي, ول ءبىزدىڭ ءار پايدالى ادەتىمىز بەن ونەگەلى ىسىمىزدە كورىنىس تاپقان. ءارى ەرىك­تى­لىك – جاس تالعامايتىن, ساۋاپتى ءىس», دەيدى «جاستار رۋحى» جاستار قاناتى توراعاسىنىڭ ورىنباسارى.

بۇگىندە «جاستار رۋحى» ساپىنداعى ءبىر توپ ۆولونتەر ارداگەرلەردى ارداقتاپ, كوشە سىپىرۋشى ازاماتتارعا كومەك كور­سەتۋ, توتەنشە جاعداي كەزىندە الدىڭ­­عى قاتاردان تابىلۋ, حالىققا گۋ­ما­ني­­تار­لىق كومەك ۇلەستىرۋ نەمەسە اپات بول­عان ورىندى قالپىنا كەلتىرۋ, ۆاندالدار قالدىرعان سۋرەتتەردى جو­يىپ, تاريحي ەسكەرتكىشتەردى تازالاۋ, پولي­تسيا قىز­مەتكەرىنە سەرىك بولىپ, قوعام­دىق ءتار­تىپتى ساقتاۋعا شاقىرۋ, قاراۋ­سىز قال­عان جانۋارلارعا پانا تابۋعا جار­دەم­دەسىپ ءجۇر.

ء«بىز قانداي جاعدايدا دا كوپپەن بىرگە بولدىق. «Amanat» پارتياسىنىڭ جانىن­دا­عى جاستار ەلىمىزدە ورىن العان توتەنشە جاعدايلار كەزىندە الدىڭعى شەپتەن تابىلدى. 2019 جىلدا ارىس قالاسىندا جويقىن جارىلىس بولىپ, ەل دۇرلىكتى. وقىس جاعداي بولعان كۇننەن باستاپ بارلىق ايماقتا گۋمانيتارلىق كومەك قابىلداۋ پۋنكتتەرىن اشتىق. 750-دەن اسا ەرىكتى ارىس قالاسىنىڭ ەۆاكۋاتسيالانعان تۇرعىندارىن تىركەۋ جانە ورنالاستىرۋ, جوعالعان بالالاردى ىزدەستىرۋ, گۋمانيتارلىق كو­مەك­كە جا­تاتىن تاۋارلاردى تۇسىرۋگە قا­تىس­تى. ۆو­لون­تەر­لەر كولەمى 450 توننا گۋ­ما­ني­تار­لىق كو­مەكتى قويمالارعا جايعاس­تىر­دى.

الەمدى ەسەڭگىرەتكەن ىندەت تۇسىندا قازاقستاننىڭ وڭتۇستىك ايماعىنداعى ماقتاارال اۋدانىندا بىرنەشە ەلدى مە­كەندى سۋ الىپ, رەسپۋبليكالىق كولەم­نەن بولەك, وڭىرلىك تەحنوگەندى توتەن­شە جاعداي جاريالاندى. وسى ساتتە جاستار قاناتىنىڭ 500 ۆولونتەرى ماق­تاارال اۋدانىندا تۇرعىنداردى ەۆاكۋاتسيالاۋعا قاتىستى. سۋ استىندا قالعان ۇيلەردى قالپىنا كەلتىرۋدە ەرىكتىلەر اۋدان حال­قى­نا كومەك كورسەتتى. قۇرىلىس ماتەريالدارىن جەتكىزىپ, 1000 تونناعا جۋىق گۋمانيتارلىق كومەكتى حالىققا تاراتتى.

قوستانايدا بولعان ءورت كەزىندە دە شەتتە قالمادى. توتەنشە جاعداي جاريا­لان­عان ساتتەن باستاپ, ولار 3 قالا مەن 17 وبلىستا گۋمانيتارلىق كومەك قابىلداۋ ورتالىقتارىن اشتى. ەلىمىز بويىنشا 1300-دەن اسا ۆولونتەر اۋليەكولگە كومەك كورسەتۋ ءۇشىن جۇمىس ىستەدى. اپات بولعان ايماقتا اقمولا, قوستاناي, سولتۇستىك قازاقستان, تۇركىستان وبلىسى مەن الماتى, استانا قالاسىنان 300-گە جۋىق ۆولونتەر گۋمانيتارلىق كومەكتى قويمالارعا جايعاستىردى. ازىق-ت ۇلىك پەن قاجەتتى زاتتاردى تۇرعىنداردىڭ ۇيلەرىنە جەتكىزىپ بەردى. ۆولونتەرلەردىڭ كۇشى 1200 توننادان اسا جينالعان تۇرمىستىق قاجەتتىلىكتەر, ازىق-ت ۇلىكتەر, قۇرىلىس ماتەريالدارى مەن تەحنيكالىق جابدىقتاردى تۇرعىندارعا ۇيلەستىرۋگە جۇمىلدىرىلدى», دەدى ا.يسكاندەروۆا.

قازاق «كوپ تۇكىرسە – كول», «ساۋاپتى ءىستىڭ ۇلكەن-كىشىسى بولمايدى» دەپ جاتادى. بىراق ءىرىلى-ۇساقتى شارۋانىڭ كوپتىڭ كومەگىمەن بىتەتىنى تاعى بار. وسى ورايدا اقەركەنىڭ رۋحتاستارى بىلتىر قىتىمىر قىستا جىلۋسىز قالعان ەكىباستۇزداعى وتانداستارىمىزعا ازىق-ت ۇلىك پەن 1700-دەن اسا ەلەكتر جىلىتقىش تاراتتى.

ەلدى ەسەڭگىرەتكەن اباي وبلىسىنداعى الاپات ءورت كەزىندە 500-دەن اسا ۆولونتەر حالىقتى ەۆاكۋاتسيالاۋ, زارداپ شەككەن تۇرعىندارعا گۋمانيتارلىق كومەك جەتكىزۋ, قۇتقارۋشىلارعا ىستىق تاماق, ءدارى-دارمەك جانە كيىم-كەشەك جونەلتۋدە جۇمىلدى. باس-اياعى بەس كۇندە ەلىمىزدىڭ بىرقاتار وڭىرىندە 126,5 توننا گۋمانيتارلىق كومەك جينالدى.

«جاستار رۋحىنىڭ» تۇراقتى وتكى­زىپ تۇراتىن ناۋقاندارى دا بار. ماسە­لەن, «قاۋىپسىز قوعام» اكتسياسى اياسىندا پوليتسيا دەپارتامەنتتەرىمەن بىر­لەسە قۇقىقتىق ءتارتىپتى ساقتاۋ بويىنشا 374 بىرلەسكەن اكتسيا مەن رەيد وتكىزدىك. ناتيجەسىندە, 8 300-دەن اسا قۇقىق بۇزۋشىلىق انىقتالدى. سونداي-اق 500-دەن اسا تاريحي, مادەني جانە تابيعي مۇرانى, ەسكەرتكىشتى ۆانداليزمنەن ساق­تاۋعا باعىت­تالعان رەسپۋبليكالىق اۋقىمدى ناۋ­قان ۇيىم­داس­تىردىق. وعان 1500-دەن استام ۆولونتەر قاتىستى. قازىرگى تاڭدا قالا, اۋدان ىشىندە ۆانداليزممەن كۇ­رەسۋ جۇمىستارى جۇرگىزىلىپ جاتىر. ال «ەسىرتكىگە جول جوق» جوباسى اياسىندا سينتەتيكالىق ەسىرتكى جارناماسى بار 5000-نان استام گراففيتيدى جويدىق. وعان 1000-نان استام ەرىكتى جاردەمدەستى. سونداي-اق «تازاLike» ەكولوگيالىق جو­باسى بارىسىندا دا قوعامدىق ورىنداردى تازالاۋعا كومەكتەستىك. وزدەرىڭىز بىلەتىندەي, 2020 جىلى «Biz birgemiz!» جالپىۇلتتىق اكتسياسى باستالدى. وعان رەسپۋبليكا بويىنشا 5 مىڭ ۆولونتەر جۇمىلدىرىلدى. 320 مىڭعا جۋىق وتباسى ازىق-ت ۇلىك سەبەتتەرىمەن جانە ءبىرىنشى كەزەكتە قاجەتتى تاۋارلارمەن قامتاماسىز ەتىلدى. تۇرمىسى تومەن 100 مىڭ وتباسىنا 5 ميلليون ماسكا تەگىن تاراتىلدى. بۇل – ۆولونتەرلەر اتقارىپ جاتقان جۇمىستاردىڭ ءبىر بولىگى عانا. ەلىم دەپ ەمىرەنىپ, حالقىم دەپ قىزمەت ەتىپ جۇرگەن ۆولونتەرلەر ەڭبەگى ەلەنىپ, ازا­مات­تاردىڭ العىسىنا بولەنەتىنىنە سەنىم­دىمىز. باستىسى – ءبارى وتان­سۇيگىش, ادال نيەتپەن جۇزەگە اسىپ جاتىر», دەدى ۆولونتەر.

جالپى, ادامزات بويىندا جۇرەكتىڭ ورنى بولەك. ىزگى نيەتپەن, اق پەيىلمەن جاسالعان جاقسىلىق جۇرەكتەردى جىلىتىپ, جاقىنداستىرادى. دەمەك بۇگىنگى ەرىكتىلىك جاستاردى ەرتەڭگى ەلدىك تۇلعا دەڭگەيىنە كوتەرەتىنى انىق.