اۋدان جول ازابىنان قۇتىلدى

بۇل 15 مىڭداي تۇرعىنى بار جانىبەك اۋدانى ءۇشىن اق تۇيە­­نىڭ قارنى جارىلعانداي اق­جولتاي حابار! ويتكەنى وبلىس ورتالىعىنان 500 كم شالعاي جات­قان اۋدان ءومىر بويى جول ازا­بىن تارتىپ كەلە جاتقان ەدى. اسىرەسە كوكتەم مەن كۇزگى لاي­ساڭدا جولاۋشىلار باتپاققا باتىپ, ارا قونىپ جەتەتىن. «جول ازابى – كور ازابى» دەگەن ماقال دا ءدال وسى بوكەي ورداسى مەن جانىبەك اۋدانى حالقى ءۇشىن ايتىلعانداي.

جاڭا جولدىڭ تاريحى 2018 جىلدان باستالادى. سول كەز­دەگى مەملەكەت باسشىسىنىڭ وڭىرگە سا­پارى كەزىندە جانىبەك پەن بوكەي ورداسىنا باراتىن اۆتوموبيل جولىن كۇردەلى جون­دەۋ­دى تاپسىرعان. بۇل 245 شاقى­رىمدىق جول ەدى. سونىڭ 99 شا­قىرىمى جانىبەك اۋدانى اۋما­عىمەن وتەتىن. جوبالاۋ-ەسەپتەۋ قۇجاتتارى دايىن بولعان سوڭ جول قۇرىلىسى 2019 جىلى باس­تالىپ تا كەتتى. اۋەلىدە «2022 جىلى بىتىرەمىز» دەگەن جول قۇ­رى­لىسى ءتۇرلى كەدەرگىگە تاپ بولدى. قازاقستاننىڭ قيىر شەتىندە قۇرىلىس ماتەريالدارى تاپشى بولدى. ونى جەتكىزۋ دە وڭاي بولمادى. اراعا پاندەميا كيلىكتى. كەيبىر مەردىگەر ءوز ىسىنە جاۋاپسىز قاراپ, سوتقا تار­تىلدى. وسىلايشا, اۋىل حال­قى الاڭداي باستاپ ەدى. الاڭ­دا­ما­عاندا قايتسىن, 2019-2022 جىلدارى – 4 جىل ىشىندە نەبارى 124,6 شاقىرىم جولعا اسفالتبەتون توسەلدى.

كوپشىلىك كوپتەن كۇتكەن جول­عا جان بىتكەنى بيىل عانا. وت­كەن جىلدىڭ سوڭىندا وبلىس باسشىلىعىنا ناريمان تورە­­عاليەۆ كەلگەندە, وڭتۇستىك اۋدان­­دارعا اپاراتىن وسى جولدى ەرەك­شە باقىلاۋعا الاتىنىن ايت­­قان ەدى. سول كۇننەن بەرى وسى قۇ­رى­­لىستى كوزىمەن كورىپ, جەكە باقىلاۋ ءۇشىن 8 مارتە كەلىپ كەتىپتى.

«مەن وسى جەرگە سوڭعى كەلگە­نىمدە كوپىر قۇرىلىسى باياۋ ەدى. سوندىقتان مەردىگەر كومپانيا باسشىسىمەن سويلەسىپ, جۇمىستى بارىنشا جەدەلدەتۋدى تاپسىردىم. ويتكەنى نەگىزگى جولدىڭ قاتقىل تابانى سالىنعانىمەن, كوپىر دايىن بولماسا, حالىق اينالىپ جۇرەم دەپ قيىندىق كورەر ەدى. «Uniserv» كومپانياسىنا راحمەت, كوپىر قۇرىلىسىن اياقتادى. ەندى جانىبەك اۋدانى جولاۋشىلارى جول بەينەتىن كورمەيدى, اينالما جولعا تۇسپەيدى» دەيدى باتىس قازاقستان وبلىسىنىڭ اكىمى ناريمان تورەعاليەۆ.

ءيا, راسىندا دا بيىل ءبىر جىل­دا الدىڭعى ءۇش جىلدىڭ كولەمىندەي ءىس اتقارىلعانى راس. 1 جەلتوقسان كۇنى جانىبەك اۋدانى اۋماعىنداعى جولدىڭ تومەنگى قاباتى تولىقتاي اسفالت­تالىپ ءبىتتى. قالىپ تۇرعانى سوڭعى نىسان, 72-شاقىرىمداعى كوپىر­دىڭ قۇرىلىسى ەدى. مىنە, جانى­بەك اۋدانى تۇرعىندارى ءۇشىن, وبلىس ءۇشىن ۇلكەن تاريحي ءسات, ايتۋلى كۇن جەتتى. جاڭا كو­پىر­دىڭ قۇرىلىسى اياقتالىپ, جا­نىبەك-ورال باعىتىنداعى جول پاي­دالانۋعا بەرىلىپ جاتىر.

«بۇل – ءبىزدىڭ اۋدان تۇرعىن­دارى ءۇشىن ۇلكەن قۋانىش. بارشا جانىبەكتىكتەر اتىنان ناريمان تورەعالي ۇلىنا العىسىمىزدى جەتكىزەمىز», دەيدى اۋدان باسشىسى تيمۋر شىنيازوۆ.

تيمۋر سەرىك ۇلىنىڭ ايتۋىنشا, جانىبەك اۋدانىندا اۋدان­دىق ماڭىزى بار اۆتوموبيل جولدارىنىڭ جالپى ۇزىندىعى 260 شاقىرىمدى قۇرايدى. سو­نىڭ 30 شاقىرىمى 2022 جىلى جون­دەلگەن. ال بيىل اۋداندىق ماڭىزى بار جولدارعا 40,5 شاقىرىم اسفالت توسەلىنگەن. وسىلايشا, جالپى جوندەلگەن جولدىڭ ۇزىندىعى 70,5 شاقىرىم بولعان.

اتاپ ايتساق, «جانىبەك – تالوۆ – كىشى وزەن» اۆتوموبيل جولىنىڭ 27-33 جانە 33-48 شاقىرىم ارالىعى ورتاشا جون­دەلگەن. قامىستى اۋىلىنا كى­رەبەرىس 14,8 شاقىرىم جول كۇر­دەلى جوندەۋدەن ءوتتى. اقوبا اۋى­لىنا كىرەبەرىس جولدىڭ 5,6 شاقى­رىمىنا اسفالت توسەلدى.

اۋدان باسشىسىنىڭ ايتۋىنشا, كەلەر جىلى «جانىبەك – تالوۆ – كىشى وزەن» اۆتوموبيل جولىنىڭ 92-128 شاقىرىمى, بورسى اۋىلى جولىنىڭ 1 شاقى­رىمى, تاۋ اۋىلىنا كىرەبەرىس 5,7 شاقىرىم جولدار سالىنا باستايدى.

اۋدان ورتالىعىنداعى اۋىل­ىشىلىك جولداردا دا قارقىندى جۇمىستار ءجۇرىپ جاتىر. بيىل ەكى كوشەگە جالپى ۇزىندىعى 4 شاقىرىم جول توسەلگەن. كە­لەر جىلى 4 كوشەدە جالپى ۇزىن­دىعى 5,6 شاقىرىم اۋىل­ىشى­لىك جول سالىنباق. وسى جۇ­مىس­­تاردىڭ ناتيجەسىندە اۋدان ورتا­لىعىنداعى كوشەلەردىڭ 63%-ى اسفالتتالاتىن بولادى.

«جول قاتىناسىنىڭ جاقسارۋى جولاۋشىلار تاسىمالىنىڭ دا­­مۋىنا جاعداي جاساۋدا. الەۋ­مەتتىك ماڭىزى بار №136 «ورال – جا­نىبەك», «جانىبەك – ورال» مار­شرۋتى كۇن سايىن تۇ­راق­تى ءجۇرىپ تۇر. قازىرگى كەزدە «قامىس­تى – تاۋ – ورال» مار­شرۋ­تىن ىسكە قوسۋ جۇمىس­تارىن جۇر­گىزۋدە­مىز», دەيدى اۋدان اكىمى تيمۋر شىنيازوۆ.

باتىس قازاقستان وبلىسى