ءماجىلىستىڭ جالپى وتىرىسىندا دەپۋتات مارحابات جايىمبەتوۆ پرەمەر-مينيستر ءاليحان سمايىلوۆقا دەپۋتاتتىق ساۋال جولداپ, سيرەك كەزدەسەتىن مەتالداردى وندىرۋدەگى ولقىلىقتاردى ايتتى, دەپ حابارلايدى Egemen.kz.
«بۇگىندە سيرەك كەزدەسەتىن مەتالدار, راديوەلەكترونيكا, اتوم ەلەكتر, ماشينا جاساۋ, حيميا ونەركاسىبى, مەتاللۋرگيا سىندى ونەركاسىپ سالالارىندا پايدالانىلادى. وسى مەتالل بولماسا سمارتفوندار مەن اۆتوموبيلدەر, جەل تۋربينالارى ء تىپتى اسكەري باسقا دا تەحنولوگيالىق قۇرىلعىلار شىقپاس ەدى. اتالعان سالانىڭ الەۋەتىن اشا العان ەلدەر كەلەشەكتە بۇكىل الەمنىڭ تەحنولوگيالىق دامۋ باعدارىن ايقىندايتىن بولادى. سيرەك كەزدەسەتىن مەتالدى الەمدەگى ءىرى ءوندىرۋشى ەلدىڭ ءبىرى – قىتاي. 44 ميلليون توننا قورى بار. جاپونيا, اقش, ەۋروپا وداعى ەلدەرىندە ۇكىمەت سيرەك كەزدەسەتىن مەتالدىڭ ماڭىزدىلىعىن ءتۇسىنىپ ءتۇرلى مەملەكەتتىك باعدارلامالار ارقىلى قولداۋلارىن كورسەتۋدە. مۇنىمەن قوسا قىتايدان باسقا ەلدەن تاسىمالداۋدىڭ تاماشا تىزبەگىن جاساپ, ءتىپتى باقىلاۋ مەن قاداعالاۋدى دا جۇزەگە اسىرۋدا. عالامدىق گەوساياسات كۇردەلەنە تۇسسە دە جەر قويناۋىنىڭ سيرەك ءوندىرىسىن, عىلىمي تەحنولوگيالىق پروگرەسس پەن ەركىن باسەلەستىكتىڭ ارقاسىندا تابيعي جولمەن دامىتىپ جاتىر», دەدى م.جايىمبەتوۆ.
دەپۋتات مەندەلەەۆ كەستەسىندەگى 100-گە جۋىق ەلەمەنت قازاق دالاسىنان تابىلاتىنىن, 15 كەن ورنى بار ەكەنىن, ولاردىڭ بارلىعى بىردەي زەردەلەنبەگەنىن ايتتى. ساراپشىلاردىڭ پىكىرىنشە ەلدە 25 ميلليارد توننا تەحنوگەندىك قالدىق جيناقتالعان, ونداعى سيرەك كەزدەسەتىن مەتالدىڭ قۇرامى 0,6 پايىز ەكەن. بۇل كەيبىر كەن ورىندارىمەن پارا-پار بولعاندىقتان مەتاللۋرگيانىڭ دەربەس شيكىزات بازاسى رەتىندە قاراستىرۋ قاجەتتىگىن ەسكەرتتى.
م.جايىمبەتوۆ سيرەك كەزدەسەتىن مەتالل ءوندىرىسىن دامىتۋدىڭ ۇزاق مەرزىمگە ارنالعان كەشەندى ستراتەگيالىق جوسپارىن ازىرلەۋ قاجەت دەدى. ينۆەستيتسيا تارتۋدى دا جولعا قويىپ, ينۆەستورلاردىڭ قاتارىن ارتتىرۋدى, قاتاڭ ەكولوگيالىق ستاندارتتى ەنگىزۋ, حالىقارالىق تاجىريبەگە سۇيەنىپ كادر ماسەلەسىن كەشەندى دامىتۋ كەزەك كۇتتىرمەيتىن شارۋا ەكەنىن ايتتى.