20-30 قاراشا ارالىعىندا ەلىمىزدەگى ىشكى ىستەر ورگاندارى «قۇقىقتىق ءتارتىپ» جەدەل-پروفيلاكتيكالىق ءىس-شاراسىن وتكىزدى. شارا ناتيجەسىندە 2657 قىلمىس «ىزى سۋىماي» اشىلدى. ونىڭ ىشىندە بۇرىن جاسالعان 1 019 قىلمىس, 1-كىسى ءولتىرۋ, 3-قاراقشىلىق شابۋىلدار, 21 – توناۋ جانە 994 باسقا دا قىلمىستىق ءىس انىقتالدى, دەپ جازادى Egemen.kz.
زاڭنامانى بۇزۋ فاكتىلەرىن انىقتاۋ ءۇشىن ساياجاي الاپتارىن, قۇرىلىس وبەكتىلەرىن, بازارلاردى, شارۋا قوجالىقتارىن, جالدامالى پاتەرلەردى, شالعايداعى جانە وزگە دە كۇماندى ورىنداردى, ءۇي-جايلار تەكسەرىلگەن. ناتيجەسىندە ىزدەۋدە جۇرگەن 219 قىلمىسكەر ۇستالعان.
بۇدان باسقا, 181,5 مىڭ اكىمشىلىك قۇقىق بۇزۋشىلىق بەلگىلى بولدى. ءتارتىپ بۇزعاندار اراسىندا ەڭ كوپ كەلەڭسىز جاعداي وتباسى-تۇرمىستىق قاتىناس سالاسىندا انىقتالدى.
«قۇقىقتىق ءتارتىپ» جەدەل-پروفيلاكتيكالىق ءىس-شاراسى ناتيجەسىندە ىشكى ىستەر ورگاندارىنىڭ ەسەبىندە تۇراتىن 95,3 مىڭ ادام تەكسەرىلدى. بۇدان باسقا وتباسى-تۇرمىستىق قاتىناس سالاسىندا 4 489 قورعاۋ ۇيعارىمى شىعارىلدى جانە 1 077 ەرەكشە تالاپ بەلگىلەندى.