قىلمىستىق ءىستى ارنايى پروكۋرورلار تەرگەپ جاتىر, دەپ حابارلايدى Egemen.kz.
قىلمىستىق ءىس قر قك-ءنىڭ 292-بابىنىڭ 3-بولىگى بويىنشا (ابايسىزدا ەكى نە ودان دا كوپ ادامنىڭ ولىمىنە اكەپ سوقتىرعان ءورت قاۋىپسىزدىگى ەرەجەلەرىن بۇزۋ) باستالعان.
باس پروكۋروردىڭ تاپسىرماسىنا سايكەس قىلمىستىق ءىس ارنايى پروكۋروردىڭ ءىس جۇرگىزۋ وندىرىسىنە قابىلدانعان.
قۇقىق قورعاۋ ورگاندارىنىڭ تاجىريبەلى قىزمەتكەرلەرىنەن ۆەدومستۆوارالىق جەدەل-تەرگەۋ توبى قۇرىلدى.
ءورتتىڭ شىعۋ سەبەبى مەن العىشارتتارىن انىقتاۋ ماقساتىندا وقيعا ورنىنا قاراپ-تەكسەرۋ جۇرگىزىلىپ, ساراپتامالار تاعايىندالىپ, وزگە دە جەدەل-تەرگەۋ ءىس شارالارى ۇيىمداستىرىلىپ جاتىر.
سول كۇنى وسى قىلمىستى جاسادى دەگەن كۇدىكپەن حوستەلدى جالعا بەرۋشى مۋحامەدياروۆ ا ۇستالىپ, قامالعان.
تەرگەۋ اياسىندا حوستەلدىڭ قىزمەت كورسەتۋىنە قاتىسى بولعان بارلىق تۇلعالاردىڭ ارەكەتىنە قۇقىقتىق باعا بەرىلەدى.
بۇعان دەيىن باس پروكۋروردىڭ ورىنباسارى جاندوس ومىراليەۆ الماتىدا 13 ادامنىڭ ءومىرىن قيىپ كەتكەن حوستەلدەگى ءورت جايلى سۇراققا جاۋاپ بەرىپ, ءورت شىققان عيماراتتىڭ حوستەل رەتىندە قولدانىلۋى زاڭعا قايشى دەگەن.
مەملەكەت باسشىسى قاسىم-جومارت توقاەۆ الماتىداعى جاتاقحانادا قازا تاپقان قازاقستان جانە شەتەل ازاماتتارىنىڭ تۋىستارى مەن جاقىندارىنا كوڭىل ايتتى.