«شاڭىراق» رەسپۋبليكالىق بايقاۋىنىڭ جەڭىمپازدارى انىقتالدى. قازاقستان حالقى اسسامبلەياسىنىڭ ەتنوجۋرناليستيكا سالاسىنداعى شىعارماشىلىق كونكۋرسىنا رەسپۋبليكالىق, وبلىستىق جانە ەتنوستىق باق وكىلدەرى قاتىستى. جۇزدەن جۇيرىك شىققاندار اراسىندا ارىپتەسىمىز گۇلنار جولجان دا بار.
بايقاۋدى مادەنيەت جانە اقپارات مينيسترلىگى مەن «قوعامدىق كەلىسىم» رمم ۇيىمداستىرعان. مۇنداعى ماقسات – دارىندى جۋرناليستەردى انىقتاپ, ولاردىڭ قوعامدىق كەلىسىم مەن بىرلىكتى نىعايتۋعا جانە ەتنوجۋرناليستيكا سالاسىن دامىتۋعا قوسقان ەلەۋلى ۇلەستەرى ءۇشىن ىنتالاندىرۋ.
ەلوردادا دوستىق ۇيىندە وتكەن ماراپاتتاۋ راسىمىنە قازاقستان حالقى اسسامبلەياسى توراعاسىنىڭ ورىنباسارى – پرەزيدەنت اكىمشىلىگى قحا حاتشىلىعىنىڭ مەڭگەرۋشىسى مارات ءازىلحانوۆ, مادەنيەت جانە اقپارات مينيسترلىگى ەتنوسارالىق قاتىناستاردى دامىتۋ كوميتەتىنىڭ توراعاسى عالىم شويكين, «قوعامدىق كەلىسىم» رمم ديرەكتورى ەلينا ماساگۋتوۆا, پارلامەنت دەپۋتاتتارى, جۋرناليستەر, رەسپۋبليكالىق جانە وبلىستىق باق وكىلدەرى قاتىستى.
بايقاۋ بارىسىندا قازاقستان حالقى اسسامبلەياسىنىڭ قىزمەتىن, جوبالارىن جاريالاپ, بەدەلىن ارتتىراتىن, قوعامدىق كەلىسىم مەن جالپىۇلتتىق بىرلىكتى نىعايتۋدا مەملەكەتتىك ساياساتتى كەڭىنەن ناسيحاتتايتىن جانە مەملەكەتتىك ءتىلدىڭ قىزمەت اياسىن كەڭەيتۋگە باعىتتالعان ۇزدىك اۆتورلار ىرىكتەلىپتى.
باس جۇلدە «ۆەچەرنيايا استانا» رەسپۋبليكالىق قوعامدىق-ساياسي گازەتىنىڭ تىلشىلەرى – الينا يمامباەۆا مەن ەكاتەرينا تىششەنكوعا, I ورىن – «Life09» اقپارات اگەنتتىگى باس رەداكتورىنىڭ ورىنباسارى ايسۇلتان جاقىپوۆ پەن «قازاق راديولارى» جشس رەداكتور-جۇرگىزۋشىسى گۇلجامال امەتباكيەۆا جانە «Egemen Qazaqstan» رەسپۋبليكالىق گازەتىنىڭ اعا ءتىلشىسى گۇلنار جولجانعا, II ورىن – «پريكاسپيسكايا كوممۋنا» وبلىستىق قوعامدىق-ساياسي گازەتىنىڭ ءتىلشىسى انجەلا لي مەن «سىر بويى» وبلىستىق گازەتىنىڭ ءجۋرناليسى ەرجان قوجاسوۆ جانە «جانۋبي قوزوعيستون» قوعامدىق-ساياسي گازەتى باس رەداكتورىنىڭ ورىنباسارى اۆازحان بورانباەۆقا, III ورىن – قىزىلوردا وبلىستىق قوعامدىق دامۋ باسقارماسىنىڭ «قوعامدىق كەلىسىم» كمم بۇقارالىق اقپارات قۇرالدارى جۇمىسى بويىنشا سەكتورىنىڭ باس ساراپشىسى اسەل ابزال مەن سولتۇستىك قازاقستان وبلىستىق جۋرناليستەر كلۋبىنىڭ توراعاسى ۆالەنتينا كورنەۆا جانە «رavlodarnews» اقپاراتتىق پورتالىنىڭ ءجۋرناليسى اقبوتا سەيسەنباەۆاعا بۇيىردى. جەڭىمپازدار ارنايى ديپلوم جانە اقشالاي سىيلىقتارمەن ماراپاتتالدى.
ال ىنتالاندىرۋ سىيلىعىمەن «ناش كوستاناي» وبلىستىق گازەتىنىڭ ءتىلشىسى زۋلفيا نابيەۆا, «وگني الاتاۋ» قوعامدىق-ساياسي گازەتىنىڭ ءتىلشىسى ايگۇل گابساتتاروۆا-ەم, «قازاق» گازەتىنىڭ ءتىلشىسى ينديرا ءبىرجانسال, «MediaPRO.KZ» رەداكتورى اليونا گانوۆيچەۆا, Tengrinews.kz اقپاراتتىق پورتالىنىڭ اعا ءتىلشى-رەداكتورى ايگەرىم فازىل ماراپاتتالدى.