ءماجىلىس مەملەكەتتىك كورپوراتسيا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭدى قابىلداپ, سەناتقا جولدادى, دەپ حابارلايدى Egemen.ءkz ماجىلىستىڭ ءباسپاسوز قىزمەتىنە سىلتەمە جاساپ.
تۇزەتۋلەرگە سايكەس سەرىكتەستىك ۇيىمدار مەن كەلىسىمدەر ينستيتۋتى ەنگىزىلەدى. بۇگىندە پيلوتتىق رەجيمدە اۋىلداردا «قازپوشتا» بولىمشەلەرىندە فرونت-وفيستەر تابىستى جۇمىس ىستەپ جاتىر. مەملەكەتتىك قىزمەتتەر بانكتىك قوسىمشالاردا قول جەتىمدى.
زاڭ بويىنشا مەملەكەتتىك قىزمەت كورسەتۋ پروتسەسى ەكىگە بولىنەدى. مەملەكەتتىك قىزمەتتەردى تەك مەملەكەتتىك ورگاندار عانا كورسەتەدى, ال ناتيجەلەردى قابىلداۋ مەن بەرۋدى مەملەكەتتىك ورگاندار دەربەس نەمەسە ارىپتەستىك ۇيىمدار ارقىلى جۇزەگە اسىرا الادى.
«قۇجاتتاردى العان كەزدە قازاقستان ازاماتتارىنىڭ ساۋساق ءىزىن تىركەۋ مىندەتتىلىگى الىنىپ تاستالادى. ياعني, ولار تىركەۋدەن ءوز ەركىمەن وتە الادى. بۇل رەتتە ساۋساق ءىزى شەتەلدىك ازاماتتار ءۇشىن مىندەتتى بولادى. سونداي-اق شەتەلدىكتەر مەن ازاماتتىعى جوق ادامدار ءۇشىن جەكە سايكەستەندىرۋ ءنومىرىن الۋ ءۇشىن قازاقستان اۋماعىنداعى تىركەۋ ورگاندارىنا جەكە ءوتىنىش بەرۋ تالابى ەنگىزىلەدى. بۇرىن ولار مۇنى ەلگە كەلمەي-اق سەنىمحات بويىنشا جاساي الاتىن», دەلىنگەن حابارلامادا.