بۇگىن الماتىداعى حوستەلدە شىققان ورتتەن 13 ادام قازا تاپتى, تاعى ۇشەۋى اۋرۋحاناعا جەتكىزىلدى, دەپ حابارلايدى Egemen.kz.
ولار كومىرقىشقىل گازىنان ۋلانعان. ەكەۋىنىڭ ومىرىنە قاۋىپ جوق دەدى دارىگەرلەر. ال ءۇشىنشى زارداپ شەككەن ادامنىڭ جاعدايى تۋرالى ءالى بەلگىسىز.
بارلىق زارداپ شەككەن ادامعا تولىق كولەمدە قاجەتتى مەديتسينالىق كومەك, سونىڭ ىشىندە پسيحولوگيالىق كومەك كورسەتىلەدى.
الماتى اكىمى ەربولات دوساەۆتىڭ ايتۋىنشا, قازا تاپقاندار اراسىندا ءبىر وزبەكستان جانە ءبىر رەسەي ازاماتى بار. قالعان 11 ادام - قازاق.
ايتا كەتەيىك, 30 قاراشا كۇنى ساعات 05:33-تە ءادي ءشارىپوۆ كوشەسىندە ورنالاسقان حوستەل ورتەنىپ, 13 ادام قازا بولدى.