پروكۋرورلار جەزقازعان قالاسىنىڭ تۇرعىن ءۇي كوممۋنالدىق شارۋاشىلىعى, جولاۋشىلار كولىگى جانە اۆتوكولىك جولدارى ءبولىمىنىڭ (تكش) قىزمەتىن تەكسەردى. تەكسەرۋ ناتيجەسىندە جەزقازعان قالاسىنىڭ جىلۋ جەلىلەرىن قايتا قۇرۋ جانە جاڭعىرتۋ كەزىندە بيۋدجەت قاراجاتىن اسا ءىرى مولشەردە تالان-تاراجعا سالۋ فاكتىسى انىقتالدى, دەپ حابارلايدى Egemen.kz ۇلىتاۋ وبلىسى پروكۋراتۋراسىنىڭ ءباسپاسوز قىزمەتىنە سىلتەمە جاساپ.
«2021 جىلى تكش ءبولىمىنىڭ لاۋازىمدى تۇلعالارى قۇرىلىس جۇمىستارىن جوعارى باعامەن قابىلداعان, بۇل 223 ملن تەڭگەدەن استام مولشەردە بيۋدجەت قاراجاتىن نەگىزسىز ارتىق تولەۋگە اكەلگەن. اتالعان فاكت بويىنشا وبلىس پروكۋراتۋراسى قىلمىستىق كودەكستىڭ 189-بابى (سەنiپ تاپسىرىلعان بوتەن مۇلiكتi يەمدەنiپ الۋ نەمەسە تالان-تاراجعا سالۋ) بويىنشا سوتقا دەيىنگى ءىس جۇرگىزۋدى باستاپ, ونى تەرگەپ-تەكسەرۋ ۇلىتاۋ وبلىسى بويىنشا سىبايلاس جەمقورلىققا قارسى ءىس-قيمىل اگەنتتىگىنىڭ دەپارتامەنتىنە تاپسىرىلدى. قىلمىستىق ءىستى تەرگەپ-تەكسەرۋ بارىسى وبلىس پروكۋراتۋراسىنىڭ باقىلاۋىنا الىندى», دەلىنگەن اقپاراتتا. قىلمىستىق-پروتسەستىك كودەكستىڭ 201-بابىنا ساي وزگە مالىمەت تەرگەۋ مۇددەسىنە ساي جاريا ەتىلمەيدى.