مەملەكەت باسشىسى قاسىم-جومارت توقاەۆ پەن توگو پرەزيدەنتى فور ەسسوزيمنا گناسسينگبە باق وكىلدەرى ءۇشىن وتكىزگەن بريفينگتە گناسسينگبە قازاقستانمەن ىنتىماقتاستىق ورناتۋعا ەرەكشە ىقىلاستى ەكەنىن جەتكىزدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
ەكىجاقتى كەلىسسوزدەردەن كەيىن باق وكىلدەرى ءۇشىن بىرلەسكەن مالىمدەمە جاساعان توگو پرەزيدەنتى اۋىلشارۋاشىلىعى سالاسىنداعى ىنتىماقتاستىقتىڭ نىعايىپ كەلە جاتقانىن ەرەكشە اتاپ ءوتتى. ق.توقاەۆ شاقىرتۋدى قابىل الىپ, ەلىمىزگە رەسمي ساپارمەن كەلگەن گناسسينگبەگە رازىلىعىن ايتتى. توگو مەملەكەتىنىڭ باسشىسى ساپار اياسىندا ەكى ەل اراسىنداعى قاتىناستى نىعايتا تۇسەتىنىن ايتتى. فور گناسسينگبە توگونىڭ قازاقستانمەن ىنتىماقتاستىق ورناتۋعا ەرەكشە كوڭىل ءبولىپ وتىرعانىن جانە ستراتەگيالىق سەرىكتەستىكتى وڭىرارالىق قانا ەمەس, قۇرلىق دەڭگەيىندە دە دامىتۋعا مۇددەلى ەكەنىن جەتكىزدى.
«300 ميلليوننان استام حالقى بار باتىس افريكا ەلدەرىمەن تاۋار اينالىمىن جولعا قويعان توگو قازاقستان ينۆەستورلارىنىڭ قىزىعۋشىلىعىن تۋعىزادى دەپ ويلايمىن. اۋىل شارۋاشىلىعى سالاسىنداعى ىنتىماقتاستىعىمىز دامىپ كەلە جاتقانى قۋانتادى. بۇگىندە ءسىزدىڭ ەلدىڭ توگوعا استىق جەتكىزۋ مۇمكىندىگى مول. قازاقستان تسيفرلاندىرۋ سالاسىندا ايتارلىقتاي جەتىستىككە جەتىپ وتىر. ءبىز دە ءوز ەلىمىزدە تسيفرلاندىرۋ جوبالارىن ىسكە اسىرىپ, وسى باعىتتاعى ىنتىماقتاستىقتى جولعا قويۋعا نيەتتىمىز. بۇل تۇرعىدان سىزدەردەن ۇيرەنەرىمىز كوپ», دەدى توگو پرەزيدەنتى ف.گناسسينگبە.