سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ دەپۋتاتتارى كەڭەيتىلگەن وتىرىستا اقپاراتتىق قاۋىپسىزدىك پەن تسيفرلىق اكتيۆتەرگە قاتىستى زاڭدى تالقىلادى, دەپ جازادى Egemen.kz.
زاڭ دەربەس دەرەكتەردى قورعاۋدى كۇشەيتۋگە جانە تسيفرلىق اقشا تابۋ قىزمەتىن رەتتەۋدەگى قۇقىقتىق ولقىلىقتى جويۋعا باعىتتالىپ وتىر. ادامداردى الاياقتاردىڭ ارەكەتىنەن قورعاۋ ماقساتىندا ولارعا بانكتىك قارىز بەن ميكروكرەديت الۋدان ەرىكتى تۇردە باس تارتۋ قۇقىعى بەرىلەدى.
سونداي-اق اقپاراتتىق قاۋىپسىزدىكتى قامتاماسىز ەتۋ جونىندەگى جاڭا تەتىكتەردى ەنگىزۋ, ماينينگ جونىندەگى قىزمەتتى جۇزەگە اسىرۋعا ليتسەنزيانى قولدانۋدان ايىرۋ, توقتاتا تۇرۋ, قايتا باستاۋ ءراسىمىن ەنگىزۋ كوزدەلەدى.
دەپۋتاتتار وتىرىس قورىتىندىسى بويىنشا زاڭدى پالاتانىڭ قاراۋىنا جىبەرۋ تۋرالى شەشىم قابىلدادى.