شامامەن 4000 شارشى شاقىرىم اۋماقتى الىپ جاتقان الىپ مۇز قوزعالا باستادى. A23a ايسبەرگى كونتينەنتتەن 37 جىل بۇرىن بولىنگەن, بىراق ۇزاق جىلداردان بەرى قوزعالىسسىز بولعان, دەپ حابارلايدى Egemen.kz Euronews ارناسىنا سىلتەمە جاساپ.
ءتورت مىڭ شارشى شاقىرىمنان استام اۋماقتى الىپ جاتقان الىپ مۇز قاباتى 1986 جىلى كونتينەنتتەن ءبولىنىپ كەتكەن. ول ۋەددەلل تەڭىزىندە ونداعان جىلدار بويى قوزعالىسسىز تۇرعان ەدى.
ايسبەرگتى قوزعالىسقا كەلتىرەتىن ىقتيمال سەبەپتەردىڭ ءبىرى - جاھاندىق جىلىنۋ.
بۇۇ باس حاتشىسى انتونيۋ گۋتەرريش وتكەن اپتادا انتاركتيداعا باردى. انتاركتيداداعى تەڭىز مۇزىنىڭ دەڭگەيى رەكوردتىق مينيمۋمعا جەتكەن. بۇۇ باسشىسى بارلىق ەلدەردىڭ ۇكىمەتتەرىن جاھاندىق تەمپەراتۋرانىڭ تسەلسي بويىنشا ءبىر جارىم گرادۋسقا دەيىن كوتەرىلۋىن شەكتەۋ ءۇشىن قاجەتتى شارالاردى قابىلداۋعا شاقىردى.