بۇگىن اقتاۋ اسپانىندا ايرىقشا بۇلت پايدا بولدى. بۇلتتار قالا توبەسىنەن ەداۋىر جاقىن كورىنىپ, تۇرعىنداردى تاڭعالدىردى, دەپ جازادى Egemen.kz.
تابيعاتتىڭ بۇل توسىن قۇبىلىسىنا اقتاۋلىقتار بۇگىن تاڭەرتەڭ 9:30 شاماسىندا كۋا بولعان.
«بۇلتتار مۇحيتتاعى تولقىندار سياقتى جىلجىپ وتىردى. مەن بۇل ەرەكشە بۇلتتاردىڭ الدىنداعى, ارتىنداعى اسپاننىڭ اشىق بولعانىنا تاڭ قالدىم. سىرتقى كورىنىسىنە قاراپ بۇلتتاردى ء«تاڭىر كورپەسى» دەپ اتادىم», دەدى اقتاۋ تۇرعىنى اقسىناي جانعالي.
سونداي-اق تابيعاتتىڭ توسىن تارتۋىنا تاڭدانعان جۇرت جەلىگە جارىسا سۋرەت جۇكتەپ جاتىر.
ال, جەرگىلىكتى اقپاراتتىق پورتال Lada.kz ەرەكشە بۇلتتاردىڭ اتاۋى مەن پايدا بولۋ سەبەبىن «قازگيدرومەت» رمك-دان سۇراپ, بىلگەن.
«اينالمالى بۇلتتار - بۇل ءوز ءوسىنىڭ اينالاسىندا اينالۋ بەينەسىن جاسايتىن ۇزىن, ادەتتە, تومەن ورنالاساتىن, كولدەنەڭ, تۇتىك ءتارىزدى بۇلت ماسساسى. اينالمالى بۇلتتار باسقا بۇلتتارمەن بايلانىسپايدى. مۇنداي بۇلتتار جەر اتموسفەراسىنداعى تولقىنداردىڭ بۇزىلۋىنان, سۋىق فرونتتاردان سۋىق اۋانىڭ شىعۋى ناتيجەسىندە پايدا بولۋى مۇمكىن. وتە سيرەك بايقالاتىن, ەرەكشە بۇلت پىشىندەرىنىڭ ءبىرى», دەلىنگەن «قازگيدرومەت» رمك فيليالىنىڭ حابارلاماسىندا.