قازاقستان فۋتبول فەدەراتسياسىنىڭ پرەزيدەنتى ادىلەت بارمەنقۇلوۆ ۇلتتىق قۇرامانىڭ باس باپكەرى ماگومەد اديەۆكە كولىك كىلتىن تابىستادى. جاتتىقتىرۋشى بۇل تۋرالى الەۋمەتتىك جەلىدەگى پاراقشاسىندا جاريالادى, دەپ حابارلايدى Egemen.kz.
«باپكەر جانە كوماندا رەتىندە جانكۇيەرلەر الدىندا ءتيىستى مەجەنى ورىنداماعانىمىزدى بىلەمىن, تيىسىنشە بۇل سىيلىققا تولىق لايىقتىمىن دەپ ايتا المايمىن. ارىپتەستەرىمىزبەن بىرگە فۋتبولدان ەۋروپا چەمپيوناتىنا شىعۋ ءۇشىن قولدان كەلگەننىڭ ءبارىن جاسايمىز. الدا ۇلكەن جۇمىس كۇتىپ تۇرعانىن سەزەمىز, سول ءۇشىن دە وزىمىزدىڭ سۇيىكتى سپورتىمىز – فۋتبولداعى ماقساتىمىزدىڭ ورىندالۋى ءۇشىن ايانىپ قالمايمىز. بۇل سىيلىقتى باعالايمىن, ول مەن ءۇشىن موتيۆاتسيا عانا ەمەس, ەلىمىز بەن حالقىمىز الدىنداعى مىندەتىمدى ەسىمە ءتۇسىرىپ تۇراتىن سىي بولماق. سەنىم مەن قولداۋ ءۇشىن بارلىعىڭىزعا العىس», دەپ جازدى ماگومەد اديەۆ.