استانادا جەتى جاسار قىزدى اتا-اناسى ۇنەمى ۇرىپ كەلگەن, سالدارىنان جەتكىنشەك اۋرۋحاناعا ءتۇستى. بۇل تۋرالى بالا قۇقىقتارى جونىندەگى ۋاكىل دينارا زاكيەۆا Instagram جەلىسىندە جازدى, دەپ حابارلايدى Egemen.kz.
«مەن ۇيدە جۇيەلى تۇردە ۇرىپ-سوعۋ سالدارىنان اۋرۋحاناعا ءتۇسىپ قالعان جەتى جاسار قىزدى كورۋگە باردىم. بالا «اۋرۋحانادا قالىپ, ۇيگە ورالماۋ مۇمكىن بە؟» دەپ سۇرادى», دەپ جازدى بالالار ومبۋدسمەنى.
ونىڭ ايتۋىنشا, مەكتەپتە بالانىڭ دەنەسىنەن سوققى ىزدەرى انىقتالعان. مۇعالىمدەر بىردەن كامەلەتكە تولماعاندار ءىسى جونىندەگى ينسپەكتسيانى شاقىرعان. ۋاكىل سونداي-اق اتالعان وتباسىندا تاعى التى بالا بار ەكەنىن ايتتى.
زاكيەۆانىڭ ايتۋىنشا, قازاقستاندا بيىلدىڭ وزىندە 25 بالا, ونىڭ ىشىندە التاۋى جاقىن ادامدارىنىڭ قولىنان كوز جۇمعان.