الماتىنىڭ «Sadu Arena» سپورت كەشەنىندە جاسوسپىرىمدەر, جاستار, ەرەسەكتەر, ارداگەرلەر اراسىندا كيوكۋشينكاي-كان كاراتەدەن الەم چەمپيوناتى ءوتىپ جاتىر, دەپ حابارلايدى Egemen.kz سپورتى دامىتۋ ديرەكتسياسىنىڭ ءباسپاسوز قىزمەتىنە سىلتەمە جاساپ.
ەكى جىلدا ءبىر رەت وتەتىن جاھاندىق جارىسقا 33 ەلدەن 700-گە جۋىق سپورتشى قاتىسىپ جاتىر.
كەشە سايىستىڭ 1-ءشى كۇنى «كۋميتەدەن» جاسوسپىرىمدەر جانە «كاتا» بويىنشا بارلىق جاس ارالىعىندا جەكپە-جەكتەر ءوتتى. ناتيجەسىندە قازاقستان قۇراماسى 11 التىن, 10 كۇمىس, 16 قولا مەدالمەن جالپىكوماندالىق ەسەپتە كوش باستاپ تۇر. بۇگىن جاستار جانە ارداگەرلەر (+36) اراسىنداعى جەڭىمپازدار مەن جۇلدەگەرلەر بەلگىلى بولادى. ەرتەڭ ەرلەر مەن ايەلدەر اراسىنداعى باسەكەمەن جارىس اياقتالادى.