مانەرلەپ سىرعاناۋدان ۇلتتىق قۇراما مۇشەسى راحات برالين ەستونيادا وتكەن Tallinn Trophy حالىقارالىق تۋرنيرىندە كۇمىس مەدال يەلەندى, دەپ حابارلايدى Egemen.kz تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتىنە سىلتەمە جاساپ.
تاللين قالاسىنداعى حالىقارالىق تۋرنير 20 جىلدان بەرى تۇراقتى ءوتىپ كەلەدى. بيىل 19 ەلدەن مانەرلەپ سىرعاناۋشى قاتىسىپ, باعىن سىنادى. راحات قىسقا باعدارلامادا 65.18 بالل ەنشىلەپ, ءۇشىنشى ورىنعا تۇراقتاعان. ەركىن باعدارلامادا 128.90 ۇپاي ولجالادى. حالىقارالىق ءتۋرنيردىڭ التىن مەدالى يزرايل سپورتشىسى لەۆ ۆينوكۋرگە بۇيىردى. قولا مەدال ۋكراينا سپورتشىسى كيريلو مارساكقا بەرىلدى.