«قازاقمىس» كومپانياسىنىڭ جەزقازعانداعى №2 وڭدەۋ زاۋىتىندا كونۆەيەر ءماشينيسى قازا تاپتى, دەپ حابارلادى Egemen.kz كومپانيانىڭ ءباسپاسوز قىزمەتىنە سىلتەمە جاساپ.
«22 قاراشا كۇنى №2 جەزقازعان بايىتۋ فابريكاسىندا جازاتايىم وقيعا بولدى. كونۆەيەر مەحانيزمىنىڭ قىسىلۋى ناتيجەسىندە 1980 جىلعى كونۆەيەر ءماشينيسى جاراقات الدى. وقيعا ورنىنا جەدەل جەتكەن مەديتسينا قىزمەتكەرلەرى جاراقات الۋشىنىڭ قايتىس بولعانىن مالىمدەدى», دەلىنگەن حابارلامادا.
ارنايى كوميسسيا جازاتايىم وقيعانىڭ ءمان-جايى مەن سەبەپتەرىن انىقتاپ جاتىر.
«قازاقمىس» كومپانياسىنىڭ باسشىلىعى مەن ەڭبەك ۇجىمى مارقۇمنىڭ تۋىستارى مەن جاقىندارىنا قايعىرا كوڭىل ايتادى», دەپ جازىلعان كومپانيانىڭ ءباسپاسوز قىزمەتى تاراتقان حابارلامادا.