پاۆلودار قالاسى مەن وعان جاقىن ەلدى مەكەندەر اۋماعىندا جەرگىلىكتى اۋقىمداعى تابيعي سيپاتتاعى توتەنشە جاعدايدى جاريالاۋ تۋرالى قالا اكىمى حاسار حابىلبەكوۆتىڭ شەشىمى «اشىق نقا» پورتالىندا جاريالاندى, دەپ حابارلايدى Egemen.kz.
قۇجاتقا سايكەس, پاۆلودار قالاسى اۋماعىندا, لەنين كەنتىنىڭ, پاۆلودار قالاسى ماڭىنداعى جەتەكشى, مويىلدى, پاۆلودار اۋىلدارىنىڭ جانە كەنجەكول اۋىلدىق وكرۋگىنىڭ اۋماعىندا جەرگىلىكتى اۋقىمداعى تابيعي سيپاتتاعى توتەنشە جاعداي جاريالانادى.
قالا اكىمىنىڭ بۇيرىعىندا: «جەرگىلىكتى اۋقىمداعى تابيعي سيپاتتاعى توتەنشە جاعدايدى جويۋ باسشىسى بولىپ پاۆلودار قالاسى اكىمىنىڭ جەتەكشىلىك ەتەتىن ورىنباسارى تاعايىندالسىن. وسى شەشىمنىڭ ورىندالۋىن باقىلاۋدى وزىمە قالدىرامىن», دەلىنگەن.
پاۆلودار قالاسى اكىمدىگى اتالعان رەجيم وتكەن دەمالىس كۇندەرى بولعان داۋىلدىڭ سالدارىن جويۋ ءۇشىن جاريالانعانىن مالىمدەدى. قالانىڭ كوممۋنالدىق قىزمەتتەرى اپاتتىڭ سالدارىن جويۋ جۇمىستارىن جالعاستىرىپ جاتىر. وبلىستىق تجد-ءنىڭ مالىمدەۋىنشە, وبلىستاعى 33 اۋىل جارىقسىز قالىپ وتىر. داۋىل سالدارىنان بولعان شىعىن مولشەرى ءالى ەسەپتەلىپ جاتىر.
ايتا كەتسەك, بۇعان دەيىن قاراعاندى وبلىسىندا توتەنشە جاعداي جاريالانعانى ءمالىم.