پەتروپاۆل قالاسىنىڭ پوليتسيا قىزمەتكەرلەرى ءورت شىققان ۇيدەن ەكى زەينەتكەردى قۇتقاردى, دەپ حابارلايدى Egemen.kz Polisia.kz-كە سىلتەمە جاساپ.
«19 قاراشا كۇنى ساعات 11:05 كەزىندە پەتروپاۆل قالالىق پب پاترۋلدىك پوليتسيا باتالونىنىڭ قىزمەتكەرلەرى جانىبەك انۋاربەكوۆ پەن قانات بالتاباەۆ جاس وركەن ىقشام اۋدانىنداعى جەكە سەكتوردان شىعىپ جاتقان قويۋ ءتۇتىندى بايقاپ قالعان. ينسپەكتورلار ءتۇتىننىڭ ەرتىس كوشەسىندەگى ءبىر-بىرىنە جاپسارلاس سالىنعان كوپپاتەرلى ۇيدەن شىعىپ جاتقانىن انىقتادى. ولار دەرەۋ ءورت ءسوندىرۋ قىزمەتىن شاقىرىپ, 70 جانە 71 جاستاعى ەرلى-زايىپتى زەينەتكەرلەردى ورتتەن قۇتقارىپ, گاز باللونىن الىپ شىقتى. ءورت سوندىرۋشىلەر تەز ارادا ءتيىستى شارالار قابىلداپ, بولجام بويىنشا ءورتتىڭ ەلەكتر جەلىلەرىن پايدالانۋ قاعيدالارىن بۇزۋدان پايدا بولعانىن انىقتادى», دەلىنگەن اقپاراتتا.