فۋتبولدان قازاقستان ۇلتتىق قۇراماسى كەلەسى جىلى وتەتىن ەۋروپا چەمپيوناتىنا ىرىكتەۋ اياسىنداعى اقىرعى ماتچتى وتكىزۋ ءۇشىن سلوۆەنياعا اتتاندى, دەپ حابارلايدى Egemen.kz قازاقستان فۋتبول فەدەراتسياسىنىڭ ءباسپاسوز قىزمەتىنە سىلتەمە جاساپ.
ماگومەد اديەۆ باپتايتىن ۇلتتىق قۇراما 20 قاراشا كۇنى سىرت الاڭدا سلوۆەنيا قۇراماسىنا قارسى وينايدى. شەشۋشى تۋردا جىگىتتەر جەڭىسكە جەتسە, كەلەر جىلى گەرمانيا تورىندە ەۋروپا چەمپيوناتىنىڭ دۋىنا قوسىلادى.
ن توبىندا قازاقستان قۇراماسى 18 ۇپايمەن 3-ساتىدا تۇر. توپ باسىندا 22 ۇپاي جيناعان دانيا فۋتبولشىلارى ەۋروپا چەمپيوناتىنا جولدامانى ەنشىلەپ قويدى. ال سلوۆەنيا فۋتبولشىلارى ەنشىسىندەگى 19 ۇپايىمەن ەكىنشى ساتىعا ورنىقتى. ولار ءوز الاڭىندا قازاقستان قۇراماسىن ۇتپاي-اق تەڭ ناتيجەنىڭ ءوزىن قاناعات تۇتاتىنى بەلگىلى. ال ءبىزدىڭ جىگىتتەرگە جەڭىس اۋاداي قاجەت. وكىنىشتىسى, ۇلتتىق قۇرامانىڭ كاپيتانى اسحات تاعىبەرگەن مەن سۇرمەرگەن باقتيەر زاينۋتدينوۆ جاراقاتى جازىلماۋى سەبەپتى ماڭىزدى ماتچقا قاتىسا المايدى. ۇلتتىق قۇرامانىڭ ماڭىزدى ويىنىن «Qazsport» تەلەارناسى 20 قاراشانىڭ تۇنىندە 01:35-تە تىكەلەي ەفيردە كورسەتەدى.