قوستاناي وبلىسىندا ۋچاسكەلىك پوليتسيا ينسپەكتورى 84 جاستاعى زەينەتكەردى كولدەن قۇتقاردى, دەپ حابارلايدى Egemen.kz وبلىستىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
«وقيعا 18 قاراشادا اۋليەكول اۋدانىندا بولعان. تاڭەرتەڭ 102 تەلەفونىنا امانقاراعاي كەنتىنىڭ تۇرعىنىنان سۋ ايدىنى ماڭىنان كومەك سۇراپ تۇرعان قاتتى داۋىستىڭ ەستىلگەنى تۋرالى قوڭىراۋ ءتۇستى. بۇل حابارلاما دەرەۋ كولگە كەلگەن ۋچاسكەلىك پوليتسيا ينسپەكتورى عابيت بايجانوۆقا بەرىلدى. سوققان جەلدىڭ كەدەرگىسىنەن ول كومەككە شاقىرعان داۋىستى انىق ەستي الماعان. جاعادان ءوتىپ بارا جاتىپ, پوليتسيا قىزمەتكەرى دىبىس كولدىڭ ورتاسىنان شىعىپ جاتقانىن ءتۇسىنىپ, بىردەن كيىمىمەن سۋعا سەكىردى. عابيت بايجانوۆ اجەيدى جاعاعا سۇيرەپ اپارعان, وعان جاقىن تۇرعان اۋىلداستارى كومەكتەستى. ولار بىرگە كەيۋانانى ۇيگە جەتكىزىپ, جەدەل جاردەم شاقىردى. دارىگەرلەر ونى اۋرۋحاناعا جەتكىزدى», دەلىنگەن اقپاراتتا. وكىنىشكە قاراي زەينەتكەر اۋرۋحانادا جان تاپسىردى.