ورال قالاسىنداعى نازارباەۆ زياتكەرلىك مەكتەبىنىڭ 8-سىنىپ وقۋشىلارى – جومارت كارىم, ءالىم وسپانوۆ جانە جاڭگىر جارمۇحامبەتوۆ مەكتەپ مۇعالىمىنە كومەكشى بولاتىن روبوتتىڭ جوباسىن جاساپ شىقتى.
ء«بىز جاساعان «مۇعالىمنىڭ كومەكشى روبوتى» ۇستازدىڭ ءبىراز قىزمەتىن ءوزى اتقارادى. مىسالى, وقۋشىلاردىڭ تەست جاۋاپتارىن, ءبىلىم دەڭگەيىن اۆتوماتتى تۇردە جاساندى ينتەللەكتى ارقىلى تەكسەرىپ بەرەدى. ساباق كەستەسىن رەتتەيدى. سونىمەن قوسا توقسان سوڭىندا بەرىلەتىن تاپسىرمالاردى ەلەكتروندى تۇردە جاسايدى جانە تەكسەرىستەن وتكىزەدى. روبوتتىڭ ءوزىنىڭ ارنايى كامەراسى بار. سول ارقىلى قاي وقۋشىنىڭ شارشاپ وتىرعانىن, قاي وقۋشىنىڭ ۇيقىسى كەلىپ وتىرعانىن بىردەن «بىلەدى». بۇدان وزگە دە قىزىقتى فۋنكتسيالارى بار», دەيدى جاس ونەرتاپقىشتار.
ءدال وسى جوبا جاقىندا قاراعاندىدا وتكەن «ROBOLAND-2023» VIII حالىقارالىق روبوتتەحنيكا جانە يننوۆاتسيالىق جوبالار بايقاۋىندا جۇلدەلى ءىىI ورىندى جەڭىپ العان. وقۋشى شىعارماشىلىعىن دامىتىپ, روبوتتەحنيكا سالاسىنا قىزىعۋشىلىعىن ارتتىرۋ جانە ينجەنەرلىك قابىلەتىن شىڭداۋ ماقساتىندا وتكەن بۇل سايىسقا قىرعىزستان, وزبەكستان, رەسەي, گرەكيا مەملەكەتتەرىنەن جانە ەلىمىزدىڭ ءار وڭىرىنەن جاس ونەرتاپقىشتار قاتىسقان بولاتىن.
«بۇل بايقاۋدىڭ اۋقىمى كەڭ بولدى, مىڭعا جۋىق وقۋشى ءوز جوباسىن تانىستىردى. ءبىزدىڭ سانات بويىنشا 20 كوماندا سىنعا ءتۇسىپ ەدى. وقۋشىلار ءۇمىتتى اقتادى, 3-ورىندى يەلەندى», دەيدى مەكتەپتەگى روبوتتەحنيكا ۇيىرمەسىنىڭ جەتەكشىسى نۇربول قىرىقباەۆ.
ايتا كەتەيىك, ورال قالاسى نازارباەۆ زياتكەرلىك مەكتەبىندە «روبوتتەحنيكا» ۇيىرمەسى جەمىستى جۇمىس ىستەپ كەلەدى. مەكتەپ قورجىنىندا بۇل باعىت بويىنشا كوپتەگەن حالىقارالىق, رەسپۋبليكالىق دەڭگەيدەگى جۇلدە بار.
باتىس قازاقستان وبلىسى