پرەمەر-ءمينيستردىڭ ورىنباسارى-قارجى ءمينيسترى ەرۇلان جاماۋباەۆ شەتەلدەن قايتارىلعان قاراجات ۇكىمەتتىڭ ارنايى شوتى ارقىلى تولىعىمەن ەل يگىلىگى جولىندا جۇمسالاتىنىن ايتتى, دەپ حابارلايدى Egemen.kz.
ەرۇلان جاماۋباەۆ «باس تاقىرىپ» باعدارلاماسىنا بەرگەن سۇحباتىندا اكتيۆتەر مەن م ۇلىكتەر ارنايى قۇرىلعان كومپانيالاردىڭ باسقارۋىنا بەرىلەتىنىن ايتتى.
«سول شوت ارقىلى ەكونوميكادا شەشىلمەي تۇرعان ماسەلە وتە كوپ. الەۋمەتتىك ماڭىزى بار جوبالار وتە كوپ, مەكتەپ, بالاباقشا, اۋرۋحانا جالپى حالىقتىڭ ءال-اۋقاتىن جاقسارتۋعا باعىتتالعان كەز كەلگەن جوباعا جۇمسالادى. ونىڭ ىشىندە مونوقالا دەيمىز, ولاردىڭ دا پروبلەمالارى جەتىپ جاتىر, سولارعا دا جىبەرۋگە مۇمكىندىك بار», دەيدى مينيستر.