الەۋمەتتىك جەلىدە شاكارىم ۋنيۆەرسيتەتىنىڭ ستۋدەنتتەرى ءتيىستى وقۋ ورنىنىڭ كۇزەتشىسىن تۋعان كۇنىمەن قۇتتىقتاپ جاتقان اسەرلى ۆيدەو تارادى. توسىن سىيدى كۇتپەگەن كۇزەتشىنىڭ ارەكەتى جۇرتتى ءسۇيسىنتتى, دەپ جازادى Egemen.kz.
ۆيدەودا ستۋدەنتتەر تورت الىپ, سول كۇنى جۇمىستا بولعان كۇزەتشىگە «تۋعان كۇنىڭمەن» ءانىن شىرقاعان. ەر ادام تاڭعالىپ, نە بولىپ جاتقانىن ءبىر ساتكە تۇسىنبەي قالعان. كۇزەتشى ستۋدەنتتەردىڭ ارەكەتىنە ەلجىرەپ, بىرنەشە رەت العىسىن ءبىلدىردى.
جەلى قولدانۋشىلارى ۆيدەونىڭ استىنا «جاقسى ادام ەكەنى كورىنىپ تۇر», «قانداي باقىتتى», «مەن ونى بىلەمىن, ول كەرەمەت ادام» دەگەن سىندى پىكىرلەر قالدىرعان.
بەينەجازباداعى ادامنىڭ ەسىمى مامىربەك تاشكەنباەۆ ەكەنى بەلگىلى بولدى. كەلىسىمشارت نەگىزىندە ۋنيۆەرسيتەتتىڭ كۇزەت قىزمەتىن كورسەتەتىن جاۋاپكەرشىلىگى شەكتەۋلى سەرىكتەستىكتە جۇمىس ىستەيدى.
«ول بىزبەن ءۇش جىلداي جۇمىس ىستەيدى. وسى جىلدار ىشىندە ول ءوزىن سانالى, ۇقىپتى مامان رەتىندە كورسەتتى. ارىپتەستەر مەن ۋنيۆەرسيتەت باسشىلىعى ونى ءوز ءىسىن جاقسى بىلەتىن, جاۋاپتى, ماقساتتى قىزمەتكەر رەتىندە بىلەدى جانە قۇرمەتتەيدى. ول – سۇيىكتى جار, اكە جانە اتا», دەپ اتاپ ءوتتى جوو ءباسپاسوز قىزمەتى.