ەڭبەك جانە حالىقتى الەۋمەتتىك قورعاۋ مينيسترلىگى 2024 جىلى قانداي الەۋمەتتىك تولەمدەردىڭ وسەتىنى تۋرالى اقپارات بەردى, دەپ حابارلايدى Egemen.kz.
مينيسترلىك مالىمەتىنشە, مەملەكەتتىك الەۋمەتتىك تولەمدەردىڭ بارلىق ءتۇرى 2024 جىلى 7 پايىزعا وسەدى.
ەڭبەك مينيسترلىگى مەملەكەتتىك الەۋمەتتىك تولەمدەردىڭ وسى تۇرلەرىن سانامالاپ بەردى. اتاپ ايتقاندا, بۇلار: مۇگەدەكتiگi بويىنشا جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلار; مەملەكەتتىك الەۋمەتتىك ساقتاندىرۋ قورىنان مۇگەدەكتiگi بويىنشا جانە اسىراۋشىسىنان ايىرىلۋ جاعدايى بويىنشا الەۋمەتتىك تولەمدەر; №1 جانە №2 تىزىمدەر بويىنشا مەملەكەتتىك ارناۋلى جاردەماقىلار; جەرلەۋگە ارنالعان بىرجولعى تولەم; بالا تۋىنا بايلانىستى بىرجولعى مەملەكەتتىك جاردەماقى; بالا ءبىر جارىم جاسقا تولعانعا دەيىن ونىڭ كۇتىمىنە بايلانىستى اي سايىنعى مەملەكەتتىك جاردەماقى; مەملەكەتتىك الەۋمەتتىك ساقتاندىرۋ قورىنان بالا ءبىر جارىم جاسقا تولعانعا دەيىن ونىڭ كۇتىمىنە بايلانىستى تابىسىنان ايرىلعان جاعدايدا تولەنەتىن الەۋمەتتiك تولەمدەردى الۋشىلارعا مىندەتتى زەينەتاقى جارنالارىن اي سايىنعى بيۋدجەتتىك سۋبسيديالاۋ; ارناۋلى مەملەكەتتىك جاردەماقىلار; بىرگە تۇراتىن ءتورت جانە ودان دا كوپ كامەلەتكە تولماعان بالالارى بار كوپبالالى وتباسىلارعا اي سايىنعى مەملەكەتتىك جاردەماقى; «التىن القا», «كۇمىس القا» القالارىمەن ماراپاتتالعان نەمەسە بۇرىن «باتىر انا» اتاعىن العان جانە ءى جانە ءىى دارەجەلى «انا داڭقى» وردەندەرىمەن ناگرادتالعان كوپبالالى انالارعا اي سايىنعى مەملەكەتتىك جاردەماقى; مۇگەدەكتىگى بار بالانى تاربيەلەپ وتىرعان اناعا نەمەسە اكەگە, بالا اسىراپ الۋشىعا, قورعانشىعا (قامقورشىعا) جاردەماقى تاعايىندالاتىن جانە تولەنەتىن اي سايىنعى مەملەكەتتىك جاردەماقى جانە ءبىرىنشى توپتاعى مۇگەدەكتى كۇتەتىن ادامعا مەملەكەتتىك جاردەماقى.