2024 جىلى حالىقارالىق دەڭگەيدە جازۋشى بەردىبەك سوقپاقباەۆتىڭ, 2025 جىلى ايگىلى كومپوزيتور, كۇيشى نۇرعيسا تىلەنديەۆتىڭ 100 جىلدىعى اتالىپ وتىلەدى. بۇل تۋرالى مەملەكەتتىك كەڭەسشى ەرلان قارين تەلەگرام ارناسىندا جازدى, دەپ حابارلايدى Egemen.kz.
«يۋنەسكو باس كونفەرەنتسياسىنىڭ 42-ءشى سەسسياسىندا يۋنەسكو-نىڭ اتاۋلى كۇندەرى تىزبەسىنە 2024 جىلى جازۋشى ب.سوقپاقباەۆتىڭ جانە 2025 جىلى ايگىلى كومپوزيتور, كۇيشى ن.تىلەنديەۆتىڭ 100 جىلدىعىن ەنگىزۋ تۋرالى قازاقستاننىڭ ۇسىنىسى قولداۋ تاپتى. قازاقستان, ازەربايجان, قىرعىزستان, تۇركيا, تۇركىمەنستان جانە وزبەكستاننىڭ «ديۋاني لۇعات ات-تۇرك» اتتى تۇركى تىلدەرىنىڭ تۇڭعىش ەنتسيكلوپەديالىق سوزدىگىنىڭ 950 جىلدىعىن اتاپ ءوتۋ تۋرالى بىرلەسكەن ۇسىنىسى دا قابىلداندى. سوزدىكتى ماحمۇد ءال-قاشقاري 1074 جىلى جازعان. يۋنەسكو باس كونفەرەنتسياسىنىڭ بۇل شەشىمدەرى قازاق مادەنيەتىنىڭ دۇنيەجۇزىندە دارىپتەلۋىنە سەپتىگىن تيگىزەرى ءسوزسىز», دەپ جازدى ە.قارين.