گەرمانيانىڭ ايگىلى «Transfermarkt» ينتەرنەت-پورتالى وزدەرىنىڭ سپورتتىق مانسابىندا ترانسفەرلىك تۇرعىدان ەڭ كوپ ولجاعا كەنەلگەن فۋتبولشىلاردىڭ ءتىزىمىن جاسادى.
ۇزدىكتەر كوشىن نەيمار باستاپ تۇر. ءوز مانسابىندا ءۇش كوماندامەن كەلىسىمشارتقا وتىرۋ بارىسىندا برازيليالىق فورۆاردتىڭ ترانسفەرلىك قۇنى 400 ملن ەۋرونى قۇرادى. بۇل كۇندەرى ول ساۋد ارابياسىنىڭ ء«ال-حيليال» كلۋبى ساپىندا ونەر كورسەتىپ ءجۇر. ەكىنشى ورىندا – «رومانىڭ» شابۋىلشىسى رومەلۋ لۋكاكۋ. بەلگيانىڭ بەتكەۇستارىنىڭ 8 كلۋبتاعى ترانسفەرلىك باعاسى 339 ملن-دى قۇرادى. ءۇشىنشى ساتىعا كريشتيانۋ رونالدۋ جايعاستى. ساۋديانىڭ ء«ال-ناسر» كومانداسىنىڭ جەيدەسىن كيگەن پورتۋگاليالىق جۇلدىزدىڭ قۇنى – 247 ملن ەۋرو.
سونداي-اق ۇزدىك وندىقتىڭ قاتارىندا مىنا فۋتبولشىلار بار: ۋسمان دەمبەلە (پسج, 220 ملن, 3 ترانسفەر), الۆارو موراتا («اتلەتيكو» مادريد, 189 ملن, 6 ترانسفەر), فيليپپە كوۋتينو ء(«ال-دۋحايل», 180 ملن, 5 ترانسفەر), انتۋان گريزمانن («اتلەتيكو» مادريد, 180 ملن, 4 ترانسفەر), كيليان مباپپە (پسج, 180 ملن, 1 ترانسفەر), انحەل دي ماريا («بەنفيكا», 179 ملن, 4 ترانسفەر) جانە زلاتان يبراگيموۆيچ (169 ملن, 7 ترانسفەر).