«قاراقۇس» اتتى تۇلپار بايگەدە توپ جارىپ, يەسىنە تاعى دا كولىك مىنگىزدى. بۇل جولى الامان ات بايگەسى باتىس قازاقستان وبلىسى تەرەكتى اۋدانىنىڭ 90 جىلدىعىنا ارنالعان, دەپ حابارلايدى Egemen.kz «AtyrauPress» سايتىنا سىلتەمە جاساپ.
اتىراۋ وبلىسى قۇرمانعازى اۋدانى ورلى اۋىلىنىڭ شاباندوزى ەركەش جارىلعاس ۇلى 36 شاقىرىم قاشىقتىقتى ءبىرىنشى بولىپ ەڭسەرىپ, باس جۇلدە − اۆتوكولىكتى قانجىعاسىنا بايلادى. بۇل «قاراقۇس» اتتى جىلقى ەكىنشى رەت يەسىنە كولىك مىنگىزىپ وتىر. بۇعان دەيىن ول بيىل كۇزدە باتىس قازاقستان وبلىسى شىڭعىرلاۋ اۋدانىنىڭ 95 جىلدىعىنا ارنالعان بايگەدە جەڭىمپاز اتانعان ەدى.
قۇرمانعازى اۋدانىنىڭ تۇرعىنى التىنبەك ءحاميتتىڭ جىلقى شارۋاشىلىعىمەن اينالىسىپ جۇرگەنىنە ەكى جىلدان استى.
«ات جارىسىنداعى ارتىقشىلىق تەك اتتىڭ جىلدامدىعى مەن توزىمدىلىگىنە عانا ەمەس, شاباندوزدىڭ شەبەرلىگىنە دە بايلانىستى. اۋىلىمىزدىڭ جاس تۇرعىنى ەركەش جارىلعاس ۇلى ەكىنشى رەت تاماشا ناتيجە كورسەتتى. جۇيرىكتى مەرەي يسين مەن جانداربەك اجى باپتاعان. بۇل ءبىزدىڭ ورتاق جەڭىسىمىز», دەيدى التىنبەك حاميت.