اتىراۋ وبلىسىندا سايلاۋ قورىتىندىسىمەن يساتاي اۋدانىنا جاڭا اكىم سايلاندى. ال, قىزىلقوعا اۋدانىن بۇرىنعى اكىم قايتا باسقارادى.
وبلىستىق اۋماقتىق سايلاۋ كوميسسياسىنىڭ مالىمەتىنشە, ەكى اۋداندا سايلاۋشىلار تىزىمىنە 34497 ازامات ەنگىزىلگەن. داۋىس بەرۋگە 19328 سايلاۋشى قاتىسقان.
«كانديداتتاردىڭ جالپى سانى – 6. يساتاي جانە قىزىلقوعا اۋدانى اكىمىن سايلاۋدىڭ مىناداي قورىتىندىلارى بەلگىلەندى. يساتاي اۋدانىندا اسىلان جارىلعاس ۇلى عۇباش ءۇشىن 1327, راشيد تاسان ۇلى مۇقانوۆ ءۇشىن 2295 داۋىس, نۇرىم بەكەجان ۇلى مۋسين ءۇشىن 4934 داۋىسى بەرىلدى. «بارلىعىنا قارسى» بەلگىسى بار بيۋللەتەندەر سانى – 35. ال قىزىلقوعا اۋدانىندا قانات قادىرجان ۇلى ازمۋحانوۆ ءۇشىن 8556 داۋىس, ماعجان ابىز ۇلى جەكسەنوۆ ءۇشىن 892 داۋىس, ساندىبەك امانباي ۇلى سالىقوۆ ءۇشىن 1137 داۋىس بەرىلدى. «بارلىعىنا قارسى» بەلگىسى بار بيۋللەتەندەر سانى – 56», دەپ حابارلادى سايلاۋ كوميسسياسىنان.
سايلاۋ قورىتىندىسىمەن يساتاي اۋدانىنىڭ اكىمى بولىپ نۇرىم مۋسين سايلاندى. ول 1980 جىلى تۋعان. بۇعان دەيىن يساتاي اۋداندىق ءماسليحاتىنىڭ توراعاسى بولىپ جۇمىس ىستەگەن.
ال, قىزىلقوعا اۋدانىنىڭ اكىمى لاۋازىمىنا قانات ءازمۇحانوۆ سايلاندى. ول 1981 جىلى تۋعان. وسى كەزگە دەيىن قىزىلقوعا اۋدانىنىڭ اكىمى لاۋازىمىن اتقارىپ كەلدى.