قر ۇلتتىق ۇلانى باۋىرجان مومىش ۇلى اتىنداعى 5571 اسكەري ءبولىمىنىڭ اسكەري قىزمەتشىسى ەركىن ستيلدەگى بالۋان ريزابەك ايتمۇحان 92 كەلىگە دەيىنگى سالماق دارەجەسىندە الەمدىك رەيتينگتە كوش باستادى, دەپ حابارلايدى Egemen.kz ۇلتتىق ۇلاننىڭ ءباسپاسوز قىزمەتىنە سىلتەمە جاساپ.
قازاقستان سپورتشىسى 62 000-نان استام ۇپاي جينادى. گرۋزين ميرياني مايسۋرادزە رەيتينگتە ەكىنشى تۇر, ال ازەربايجان وكىلى وسمان نۋرماگومەدوۆ ۇزدىك ۇشتىكتى تۇيىندەدى.
ەسكە سالايىق, وتانداسىمىز قىركۇيەك ايىندا وتكەن الەم چەمپيوناتىندا ەركىن كۇرەستەن ەل تاريحىنداعى العاشقى «التىندى» جەڭىپ العان ەدى. بەلگرادتا وتكەن الەم چەمپيوناتىنداعى شەشۋشى جەكپە-جەكتە ريزابەك ايتمۇحان وسمان نۋرماگومەدوۆتەن 0:2 ەسەبىمەن جەڭىلىپ جاتىپ, 5:2 ەسەبىمەن جەڭىستى ج ۇلىپ العان بولاتىن.
ايتا كەتەيىك, قاتارداعى جاۋىنگەر ريزابەك ايتمۇحان سولتۇستىك قازاقستان وبلىسى ءۋاليحانوۆ اۋدانى كىشكەنەكول اۋىلىنىڭ تۋماسى. وسى جىلدىڭ جازىندا ول ۇلتتىق ۇلان قاتارىنا مەرزىمدى قىزمەتكە شاقىرىلدى. بۇگىندە ول الماتى قالاسىندا وتان الدىنداعى اسكەري بورىشىن ابىرويمەن اتقارىپ ءجۇر.