سەنات دەپۋتاتتارى نۇرلان بەكنازاروۆ, التىنبەك نۇح ۇلى, ءلاززات قالتاەۆا تمد پارلامەنتارالىق اسسامبلەياسىنىڭ تۇراقتى كوميسسيالارىنىڭ جۇمىسىنا قاتىستى.
تمد پاا-نىڭ قۇقىقتىق ماسەلەلەر جونىندەگى تۇراقتى كوميسسياسىنىڭ وتىرىسىندا نۇرلان بەكنازاروۆ ارىپتەستەرىمەن «م ۇلىكتى مەنشىككە بەرۋ شارتتارى تۋرالى», «مەملەكەتتىك كاداسترلىق باعالاۋ تۋرالى», «ناگرادا, جاريا كونكۋرس, ويىندار مەن ءباس تىگۋدىڭ جاريا ۋادەسىنىڭ مىندەتتەمەلەرى تۋرالى» ۇلگى زاڭداردىڭ جوبالارى بويىنشا جۇمىس بارىسىن تالقىلادى. سونىمەن قاتار تمد پاا-نىڭ قۇقىقتىق ماسەلەلەر جونىندەگى تۇراقتى كوميسسياسىنىڭ مۇشەلەرى نۇرلان بەكنازاروۆتى كوميسسيا توراعاسىنىڭ ورىنباسارى ەتىپ سايلاۋ تۋرالى شەشىم قابىلدادى.
سەناتور التىنبەك نۇح ۇلى تمد پاا عىلىم جانە ءبىلىم جونىندەگى تۇراقتى كوميسسياسىنىڭ وتىرىسىندا عىلىمي جانە عىلىمي-تەحنيكالىق قىزمەت, جاساندى ينتەللەكت, دارىندى بالالار مەن جاستاردى انىقتاۋ جانە جۇيەلى سۇيەمەلدەۋ شارالارى ماسەلەلەرىن تالقىلادى.
سەناتور ءلاززات قالتاەۆا مادەنيەت, اقپارات, تۋريزم جانە سپورت جونىندەگى وتىرىستا باسقا ەلدەردىڭ پارلامەنتشىلەرىمەن بىرلەسىپ بالالاردىڭ دەنساۋلىعى مەن دامۋىنا زيان كەلتىرەتىن اقپاراتتان قورعاۋ ماسەلەلەرىن تالقىعا سالدى.