قاراعاندى وبلىسىنداعى شاحتادا بولعان اپاتقا بايلانىستى تەلەفون قوڭىراۋلارى مەن كوڭىل ايتۋ جەدەلحاتتارى ءتۇسىپ جاتىر, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قاسىم-جومارت توقاەۆقا تۇركيا پرەزيدەنتى رەجەپ تايپ ەردوعان قوڭىراۋ شالىپ, قاراعاندى وبلىسىنداعى كومىر شاحتاسىندا بولعان اپات سالدارىنان كوپتەگەن ادامنىڭ قازا تابۋىنا بايلانىستى مەملەكەت باسشىسىنا جانە بارشا قازاق حالقىنا قايعىرىپ كوڭىل ايتتى.
اڭگىمەلەسۋ بارىسىندا ەكى ەل باسشىلارى 3 قاراشا كۇنى استانا قالاسىندا وتەتىن تۇركى مەملەكەتتەرى ۇيىمى X ءسامميتىنىڭ كۇن ءتارتىبىن تالقىلادى.
قاسىم-جومارت توقاەۆ رەجەپ تايپ ەردوعاندى جانە بارشا تۇرىك حالقىن تۇركيا رەسپۋبليكاسىنىڭ 100 جىلدىق مەرەيتويىمەن قۇتتىقتادى.
تاجىكستان پرەزيدەنتى ەمومالي راحمون دا مەملەكەت باسشىسى قاسىم-جومارت توقاەۆپەن تەلەفون ارقىلى سويلەسىپ, قاراعاندىداعى كەن ورنىندا بولعان قايعىلى وقيعاعا بايلانىستى كوڭىل ايتتى.
سونداي-اق كوڭىل ايتۋ جەدەلحاتتارىن يران يسلام رەسپۋبليكاسىنىڭ پرەزيدەنتى يبراحيم رايسي, ءباا پرەزيدەنتى شەيح مۇحاممەد بەن زايد ءال ناحايان, ءباا ۆيتسە-پرەزيدەنتى, پرەمەر-ءمينيسترى, دۋباي امىرلىگىنىڭ بيلەۋشىسى مۇحاممەد بەن راشيد ءال ماكتۋم, ءباا ۆيتسە-پرەزيدەنتى, پرەزيدەنت اكىمشىلىگىنىڭ باسشىسى مانسۋر بەن زايد ءال ناحايان, شىۇ باس حاتشىسى چجان مين, تۇركى مەملەكەتتەرى ۇيىمىنىڭ باس حاتشىسى كۋبانىچبەك ومىراليەۆ, بۇۇ ميگراتسيا جونىندەگى حالىقارالىق ۇيىمىنىڭ باس ديرەكتورى ەمي پوۋپ جانە باسقالار جولدادى.