كوستەنكو اتىنداعى شاحتادا 38 ادامنىڭ دەنەسى تابىلدى, 8 كەنشىنى ىزدەۋ جالعاسىپ جاتىر, دەپ حابارلايدى Egemen.kz قر توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
«ىزدەۋ جۇمىستارىن جۇرگىزۋ قيراعان شاحتا جابدىقتارىنىڭ, سونداي-اق جەكەلەگەن جەرلەردە ۇيىندىلەردىڭ بولۋىمەن قيىنداپ جاتىر», دەلىنگەن حابارلامادا.
اقپاراتتىق جانە پسيحولوگيالىق قولداۋ كورسەتۋ ءۇشىن قاراعاندىدا (تجد 8-72.51.7212-23, ارسەلورميتتال تەمىرتاۋ 8-72.49.7212-70) جانە استانادا (8-41.70.7172-08) سەنىم تەلەفوندارى جۇمىس ىستەيدى.
ايتا كەتەيىك, 28 قازان كۇنى ساعات 2.33-تە قاراعاندى وبلىسىنداعى «ارسەلورميتتال تەمىرتاۋ» كومپانياسىنا تيەسىلى كوستەنكو شاحتاسىندا جارىلىس بولدى. اپات كەزىندە شاحتادا 252 ادام بولعان, 205 كەنشى جەر بەتىنە شىعارىلعان.