2023 جىلعى قازاقستان چەمپيوناتىنىڭ سوڭعى تۋرىندا «شاحتەر» مەن «استانا» اراسىنداعى ويىن كورەرمەنسىز وتەدى, دەپ حابارلايدى Egemen.kz Vesti.kz-كە سىلتەمە جاساپ.
«كوستەنكو اتىنداعى شاحتاداعى قايعىلى وقيعاعا بايلانىستى قازاقستان چەمپيوناتىنىڭ 26-شى تۋرىندا «شاحتەر» - «استانا» ماتچى كورەرمەنسىز وتەدى», دەپ حابارلادى قاراعاندىلىق كلۋبتىڭ ءباسپاسوز قىزمەتى.
ويىن 29 قازانعا جوسپارلانعان, باستالۋى - 17:00-دە. قكفل شەشىمىمەن قازاقستان چەمپيوناتىنىڭ 26-شى تۋرىنداعى بارلىق ماتچتار ءبىر مينۋت ۇنسىزدىكپەن باستالادى.
ەسكە سالايىق, 28 قازاندا تۇنگى ساعات 02.33-تە قاراعاندى وبلىسىنداعى كوستەنكو اتىنداعى شاحتادا ءورت بولدى. جەر استىندا 252 ادام بولعان, ولاردىڭ 205-ءى بىردەن جوعارىعا شىعارىلدى.
29 قازان قازاقستان رەسپۋبليكاسىندا جالپىۇلتتىق ازا تۇتۋ كۇنى بولىپ جاريالاندى.