كوستەنكو اتىنداعى شاحتانىڭ ديرەكتورى قازا بولعان كەنشىلەردىڭ ەسىمدەرىن اتادى, دەپ حابارلايدى Egemen.kz.
شاحتا ديرەكتورى سەرگەي مۋستيۆكو قايتىس بولعان جانە زارداپ شەككەن كەنشىلەردىڭ تۋىستارىمەن كەزدەسۋدە قازا تاپقان شاحتەرلەردىڭ ەسىمدەرىن ايتتى. ولار:
مورداسوۆ ۆيتالي اناتولەۆيچ;
يۋگاي الەكساندر ۆيكتوروۆيچ;
ادامپاەۆ ەربولات مۇرات ۇلى;
پەترەنكو ۆلاديمير يليچ;
سايفۋتدياروۆ البەرت ريفوۆيچ.
ونىڭ ايتۋىنشا, قالعان مايىتتەردى انىقتاۋ ازىرگە مۇمكىن ەمەس.
سوڭعى مالىمەتتەر بويىنشا, كوستەنكو اتىنداعى شاحتاداعى ورتتەن 33 كەنشى قايتىس بولدى, 13 ادام ىزدەستىرىلىپ جاتىر. ولاردى ىزدەۋ تۇنگە دەيىن جالعاسادى.
ەسكە سالايىق, «ارسەلورميتتال تەمىرتاۋ» اق-عا قاراستى كوستەنكو شاحتاسىنان ورت شىقتى. پرەزيدەنت ۇكىمەتكە «ارسەلورميتتالتەمىرتاۋ» كومپانياسىمەن ينۆەستيتسيالىق ىنتىماقتاستىقتى توقتاتۋدى تاپسىردى. باس پروكۋراتۋرا اتالعان ىسكە قاتىستى سوتقا دەيىنگى تەرگەپ-تەكسەرۋدى باستادى. مەملەكەت باسشىسىنىڭ تاپسىرماسىنا سايكەس پرەمەر-مينيستر ءاليحان سمايىلوۆتىڭ توراعالىعىمەن قاراعاندى وبلىسىندا «ارسەلورميتتال تەمىرتاۋ» اق-نىڭ كوستەنكو اتىنداعى شاحتاسىندا ورىن العان اپاتتىڭ سەبەپتەرىن تەرگەۋ جانە ونىڭ سالدارىن جويۋ جونىندەگى ۇكىمەتتىك كوميسسيا قۇرىلدى. مەملەكەت باسشىسى قاسىم-جومارت توقاەۆ اپاتتىڭ ءمان-جايىن انىقتاپ, ءتيىستى شەشىم قابىلداۋ ءۇشىن قاراعاندى وبلىسىنداعى قايعىلى وقيعا ورىن العان جەرگە باردى. 29 قازان ەلىمىزدە جالپىۇلتتىق ازا تۇتۋ كۇنى دەپ جاريالاندى.