مەملەكەت باسشىسى, جەر استىندا قالعان كەنشىلەردى قۇتقارۋ, زارداپ شەككەن جانە قازا بولعان ازاماتتاردىڭ وتباسىلارىنا جان-جاقتى كومەك كورسەتۋ – كەزەك كۇتتىرمەيتىن مىندەت ەكەنىن ايتتى. بۇل تۋرالى اقوردا رەسمي تەلەگرام ارناسىندا حابارلادى, دەپ جازادى Egemen.kz.
«ەڭ الدىمەن, قۇتقارۋ جۇمىستارى جۇرگىزىلەدى. ەكىنشىدەن, زارداپ شەككەندەر مەن مەديتسينالىق كومەككە مۇقتاج ازاماتتاردىڭ ناقتى سانىن انىقتاۋىمىز كەرەك. ۇشىنشىدەن, وسى اپاتتان زارداپ شەككەندەردىڭ بارلىعىنىڭ وتباسىنا ماتەريالدىق كومەك كورسەتەمىز. ەگەر قاجەت بولسا, ارنايى قور اشامىز. مۇنىمەن ءوزىم اينالىسامىن», دەدى پرەزيدەنت.
سونىمەن قاتار مەملەكەت باسشىسى قازىرگى ۋاقىتتا كەنشىلەردىڭ زەينەتكە شىعۋ جاسىنا قاتىستى ماسەلە قاراستىرىلىپ جاتقانىن ايتتى.