كوستەنكو اتىنداعى شاحتاداعى جارىلىس كەزىندە زارداپ شەككەن 18 ادام پروفەسسور ح. ج. ماقاجانوۆ اتىنداعى اۋرۋحاناعا جەتكىزىلدى. بارلىعىنا مەديتسينالىق كومەك كورسەتىلىپ جاتىر. بارلىق قاجەتتى مامانداردى تارتا وتىرىپ, كونسيليۋم وتكىزىلدى, دەپ حابارلايدى Egemen.kz قاراعاندى وبلىسى اكىمدىگىنىڭ ءباسپاسوز قىزمەتىنە سىلتەمە جاساپ.
«وڭتۇستىك-شىعىستاعى ح. ج. ماقاجانوۆ كلينيكاسىنا كومىرتەگى توتىعىمەن ۋلانۋ دياگنوزىمەن 15 ادام جاتقىزىلدى. ولاردىڭ بىرەۋى اۋىر دارەجەدەگى كومىرتەگى توتىعىمەن ۋلانعان, ال قالعاندارى جەڭىل جانە ورتاشا دارەجەدە ۋلانعان. ەكەۋى ميحايلوۆكاداعى ح.ج. ماقاجانوۆ كلينيكاسىندا: بىرەۋى رەانيماتسيادا اۋىر جاعدايدا جاتىر, ەكىنشىسى وپەراتسيادان كەيىن تراۆماتولوگيا بولىمىندە», دەپ حابارلادى دەنساۋلىق ساقتاۋ باسقارماسى.
ستاتسيونارعا 17 ادام جاتقىزىلدى, ءبىر ادام امبۋلاتوريالىق ەمدەلۋگە ۇيىنە جىبەرىلدى.