شىمكەنتتە 42 جاستاعى ەر ادام تانىسىن ۇرىپ ولتىرگەن, دەپ جازادى Egemen.kz.
Otyrar.kz سايتىنىڭ جازۋىنشا, وقىس وقيعا قالاداعى رەستوبارلاردىڭ ءبىرىنىڭ الدىندا بولدى.
كۇدىككە ىلىنگەن ادام 54 جاستاعى ەر كىسىنىڭ باس تۇسىنان بىرنەشە رەت تەپكەن. جەدەل جاردەم قىزمەتكەرلەرى ەر ادامدى امان الىپ قالا المادى.
«تەكسەرۋ كەزىندە ەكى ەر ادامنىڭ اراسىندا تۋىنداعان جانجال بارىسىندا جابىرلەنۋشى باسىنان العان سوققىدان كوز جۇمعانى انىقتالدى. اتالعان جايت قىلمىستىق كودەكستىڭ 106-بابىنىڭ 3-بولىگىمەن (ابايسىزدا جابىرلەنۋشىنىڭ ولىمىنە اكەپ سوققان دەنساۋلىققا قاساقانا اۋىر زيان كەلتىرۋ) تىركەلدى», دەلىنگەن پوليتسيا ۇسىنعان اقپاراتتا.
جەدەل ۋاكىلدەر 42 جاستاعى كۇدىكتىنى قاماۋعا الدى. قاجەتتى سوت-مەديتسينالىق ساراپتامالار تاعايىندالىپ, تەرگەۋ شارالارى جۇرگىزىلىپ جاتىر.