ەلوردادا مەملەكەتتىك ورگان وكىلدەرىنە ارنالعان سەمينار ءوتتى

ءىس-شارانى قر مادەنيەت جانە اقپارات مينيسترلىگىنىڭ قولداۋىمەن قازاقستاندىق قوعامدىق دامۋ ينستيتۋتىنىڭ MediaLab ورتالىعى Maqsut Narikbayev University-مەن بىرگە ۇيىمداستىردى.

سەميناردىڭ اشىلۋ سالتاناتىنا قر مادەنيەت جانە اقپارات مينيسترلىگى ازاماتتىق قوعام ىستەرى كوميتەتى توراعاسىنىڭ ورىنباسارى پەريزات سادۋاقاس, Maqsut Narikbayev University اق باسقارما توراعاسىنىڭ ورىنباسارى ەربولات مۇحامەدجان, قازاقستاندىق قوعامدىق دامۋ ينستيتۋتىنىڭ باسقارما توراعاسى نۇربەك ماتجاني قاتىستى.

الدىمەن, پەريزات سادۋاقاس قاتىسۋشىلارعا ساتتىلىك تىلەپ, سەميناردىڭ ماڭىزىنا توقتالدى.

«مەملەكەت ساياساتىن جۇزەگە اسىرۋدا, داعدارىس جاعدايلارىندا جانە «حالىق ۇنىنە قۇلاق اساتىن مەملەكەت» قاعيداسىنا سايكەس, قوعامدى تىڭداۋ, ءتۇسىنۋ, تىلدەسۋ كەزىندە ءباسپاسوز قىزمەتى ەرەكشە ءرول اتقارادى. سوندىقتان بۇگىنگى شارا قوعاممەن بايلانىس سالاسىنداعى ءتۇرلى ترەندتەر تالقىلاناتىن, وڭىردەن جانە ورتالىقتان كەلگەن ماماندار جاڭا اقپارات الىپ, تاجىريبە الماساتىن الاڭ بولادى دەپ ەسەپتەيمىن», دەدى سپيكەر.

سەمينار بارىسىندا قاتىسۋشىلار قوعاممەن ءوزارا بايلانىس ورناتۋ əدىستەرىن, جالعان اقپاراتپەن كۇرەس ماقساتىندا باق وكىلدەرىنە ناقتى مالىمەت ۇسىنۋ تەتىكتەرىن, داعدارىس جاعدايلارىنداعى وقيعالاردى تالداۋ جانە جاڭا كوممۋنيكاتسيالىق تەحنولوگيالار مەن PR قۇرالدارىن قولدانۋ جولدارىن تالقىلادى.

اتاپ ايتقاندا, Voice Power ساراپشىسى, ىسكەرلىك كوممۋنيكاتسيا سالاسىنىڭ ترەنەرى, جۋرناليست رۋسلان يديريسوۆ «كەلىسسوزدەر - ءتيىمدى كوممۋنيكاتسيانىڭ ماڭىزدى فاكتورى» تاقىرىبىندا ۋوركشوپ وتكىزدى. ول ءباسپاسوز قىزمەتى ماماندارى ءۇشىن تايم-مەنەدجمەنت پەن ءوزىن-ءوزى تانىستىرۋدىڭ ماڭىزىن اتاپ ءوتتى.

ودان بولەك, شەتەلدىك ساراپشى, Off the Record Strategies ستراتەگيا جəنە كوممۋنيكاتسيا باعىتىندا قىزمەت كورسەتەتىن كومپانيانىڭ پرەزيدەنتى مارك پفايفل «شىندىقتى قۇتقارۋ: پوستفاكتۋم دəۋىرىندەگى كۇرەس» ۋوركشوبىندا فاكتچەك جاساۋدىڭ قادامدارىنا توقتالدى. ول اقش-تاعى ءباسپاسوز قىزمەتىن نەگىزگە الا وتىرىپ, وسى سالا ماماندارى ءۇشىن اقپارات الماسۋدىڭ ماڭىزى مەن بىرلەسىپ جۇمىس ىستەۋدىڭ قاجەتتىگىن, سونداي-اق قوعامنىڭ سەنىمىنە يە بولۋ ماسەلەسىن قوزعادى.

ال TedxAstana ترەنەرى, قوعاممەن بايلانىس سالاسىنىڭ ساراپشىسى سالتانات اسكەربەكقىزى «تيىمدى كوممۋنيكاتسيالار: قاقتىعىستاردىڭ سيپاتى جəنە تابىس فاكتورلارى» ۋوركشوبىندا كوممۋنيكاتسيا ساياساتى, ستراتەگياسى جانە ءباسپاسوز قىزمەتىنىڭ مەديا-جوسپارى دەگەن باعىتتاردى قامتىدى.

سەميناردىڭ سوڭعى ۋوركشوبىن يننوۆاتسيالىق پسيحولوگيا جانە كونسالتينگ ينستيتۋتىنىڭ ديرەكتورى گۇلميرا اياپبەرگەنوۆا اياقتادى. كوپشىلىك الدىندا سويلەۋ ونەرى تۋرالى ايتقان سپيكەر قاتىسۋشىلاردىڭ كەيستەرىن تالداپ, دايىندىق كەزەڭىندە ەسكەرۋ كەرەك قادامدارعا توقتالدى.

ەسكە سالايىق, سەمينار مەملەكەتتىك ورگان وكىلدەرىنىڭ قوعاممەن جانە باق وكىلدەرىمەن ءوزارا قارىم-قاتىناس ورناتۋىنا قاجەتتى كوممۋنيكاتسيا داعدىلارىن جەتىلدىرۋ ماقساتىندا ۇيىمداستىرىلدى.

ءىس-شاراعا وڭىرلىك جانە ورتالىق مەملەكەتتىك ورگانداردىڭ 25 وكىلى قاتىستى. ولارعا سەمينار سوڭىندا سەرتيفيكات تابىستالدى.