شىمكەنتتە ءبىر وتباسى گازدان ۋلانىپ قايتىس بولدى

قايعىلى وقيعا ىنتىماق-2 شاعىن اۋدانىندا بولدى.

«قازترانسگاز» اق ءباسپاسوز قىزمەتىنىڭ مالىمەتىنشە, وقيعا دەيىن جۇرگىزىلگەن قاۋىپسىزدىك رەيدتەرى كەزىندە گازشىلار قازاندىقتىڭ جاي-كۇيىن كورىپ, بۇل ءۇيدى گازبەن جابدىقتاۋدان اجىراتقان. ءۇي يەسى گازعا ءوز ەركىمەن قوسىلدى. پوليتسيادا ء«ورت ءسوندىرۋشىنىڭ قاۋىپسىزدىك تالاپتارىن بۇزۋ» بابى بويىنشا ءىس قوزعالدى.

«بۇگىن شىمكەنت قالاسىنداعى جەر ۇيلەردىڭ بىرىندە كومىرتەگى توتىعىمەن ۋلانۋ بەلگىلەرى بار 5 ادامنىڭ دەنەسى تابىلدى. وقيعا ورنىنا جەدەل-تەرگەۋ توبى شىقتى. قر قك 292-بابىنىڭ 3-بولىگى بويىنشا قىلمىستىق ءىس قوزعالدى. ءتيىستى ساراپتامالار تاعايىندالدى», دەلىنگەن شىمكەنت پد ءباسپاسوز قىزمەتى تاراتقان اقپاراتتا.

شىمكەنت قالاسىنىڭ اكىمى عابيت سىزدىقبەكوۆ بارلىق جەدەل قىزمەت كورسەتۋ مەكەمەلەرى وقيعا ورنىنا شۇعىل جەتكەنىن حابارلادى.

ء«وز تاراپىمىزدان بارلىق قاجەتتى قولداۋ كورسەتەمىز.

توتەنشە جاعدايلار دەپارتامەنتىنە, گاز بەرۋ قىزمەتتەرىنە, اۋدان اكىمدىكتەرىنە كوپقاباتتى جانە جەكە سەكتورلارداعى گاز جابدىقتارىن باقىلاۋ ماقساتىندا كەشەندى تەكسەرۋ جۇرگىزۋدى تاپسىردىم. ودان بولەك, پەشپەن جىلىتۋ قولدانىلاتىن ۇيلەر دە تەكسەرىلەدى», دەدى اكىم.

سونداي-اق اكىم قالا تۇرعىندارىن پاتەرلەردە, جەكە ۇيلەردە گازدى پايدالانۋ كەزىندە قاۋىپسىزدىك تەحنيكاسىن قاتاڭ ساقتاۋدى سۇرادى.