قازاقستان سپورتشى نۇرداۋلەت جۇماعالي قىتايدىڭ حانچجوۋ شاھارىندا ءوتىپ جاتقان IV ازيا پارا ويىندارىنىڭ ەكى دۇركىن چەمپيونى اتاندى, دەپ جازادى Egemen.kz تۋريزم جانە سپورت مينيسترلىگىنىڭ ءباسپاسوز قىزمەتىنە سىلتەمە جاساپ.
ول پارا جۇزۋدەن 200 م قاشىقتىقتى 2:16:74-دە ءجۇزىپ ءوتىپ, ازيا پارا ويىندارىنىڭ رەكوردىن جاڭارتىپ, بايراقتى باسەكەنىڭ ەكىنشى التىن جۇلدەسىن جەڭىپ الدى.
سپورتشىنى جەتىستىگىمەن قۇتتىقتاعان تۋريزم جانە سپورت ءمينيسترى ەرمەك مارجىقپاەۆ: «بۇگىن ءبىزدىڭ چەمپيونىمىزعا تەڭ كەلەتىن ەشكىم بولعان جوق. وعان ەلىمىزدىڭ تۋى استىندا جەڭىس جولىن جالعاستىرىپ, وتانداستارىن جارقىن جەڭىستەرىمەن قۋانتۋىن تىلەيمىن!», دەدى.
قازاقستان قۇراماسى قورجىنىندا 8 التىن, 12 كۇمىس, 21 قولا جۇلدە بار.