قاسىم-جومارت توقاەۆتىڭ اتىنا رەسپۋبليكا كۇنىنە وراي شەت مەملەكەتتەر مەن حالىقارالىق ۇيىمدار باسشىلارىنان قۇتتىقتاۋ جەدەلحاتتارى تولاسسىز ءتۇسىپ جاتىر, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
گفر فەدەرالدىق پرەزيدەنتى فرانك-ۆالتەر شتاينمايەر قۇتتىقتاۋ جەتەلحاتىندا قازاقستان مەن گەرمانيانىڭ ءوزارا سەنىم مەن سەرىكتەستىككە نەگىزدەلگەن قارىم-قاتىناسى سوڭعى 30 جىل ىشىندە تاڭقالارلىق دەڭگەيگە كوتەرىلگەنىن اتاپ ءوتتى.
«ەلدەرىمىز اراسىنداعى تىعىز بايلانىستار جوعارى دەڭگەيدەگى ساياسي كەزدەسۋلەردە عانا ەمەس, سونداي-اق ءارتۇرلى سالاداعى تابىستى ىنتىماقتاستىقتان دا كورىنەدى. گەرمانيا بولاشاقتا دا قازاقستاننىڭ سەنىمدى سەرىكتەسى بولىپ قالا بەرەدى جانە ءسىزدىڭ باستاماڭىزبەن جۇرگىزىلىپ جاتقان رەفورمالاردىڭ جالعاسۋىنا قولداۋ كورسەتەدى», دەلىنگەن جەدەلحاتتا.
ءباا پرەزيدەنتى مۇحاممەد بەن زايد ءال ناحايان قاسىم-جومارت توقاەۆتى ۇلتتىق مەرەكەمەن قۇتتىقتاپ, دوستاس قازاقستان حالقىنىڭ ءوسىپ-وركەندەي بەرۋىنە تىلەكتەستىك ءبىلدىردى.
مىسىر پرەزيدەنتى ابدەل فاتتاح اس-سيسي ءوز جەدەلحاتىندا ەكى ەل حالىقتارىنىڭ جارقىن بولاشاعى جولىنداعى كوپجاقتى ىنتىماقتاستىقتى ودان ءارى نىعايتۋ ءۇشىن مىسىر مەن قازاقستان مول الەۋەتكە يە ەكەنىن جازعان.
يران پرەزيدەنتى يبراحيم رايسي قوس مەملەكەتتىڭ ساۋدا-ەكونوميكالىق, مادەني-گۋمانيتارلىق سالالارداعى بەلسەندى ىقپالداستىعى ەكىجاقتى بايلانىستاردىڭ دامۋىنا تىڭ سەرپىن بەرگەنىن اتاپ ءوتتى.
سونىمەن قاتار كۋبا پرەزيدەنتى ميگەل ماريو دياس-كانەل بەرمۋدەس, ەفيوپيا پرەزيدەنتى ساحلە-ۆورك زەۆدە, پالەستينا پرەزيدەنتى ماحمۋد ابباس, كيپر پرەزيدەنتى نيكوس حريستودۋليديس, يسلام ىنتىماقتاستىعى ۇيىمىنىڭ باس حاتشىسى حيسسەين براحيم تاحا, تۇركى مەملەكەتتەرى ۇيىمىنىڭ باس حاتشىسى كۋبانىچبەك ومىراليەۆ, تۇركى ينۆەستيتسيالىق قورىنىڭ پرەزيدەنتى باعدات امىرەەۆ جانە باسقالار ءوز قۇتتىقتاۋ جەدەلحاتتارىن جولدادى.قۇتتىقتاۋ جەدەلحاتتارى ءالى دە كەلىپ ءتۇسىپ جاتىر.