قازاقستاندا 2024 جىلدىڭ 1 قاڭتارىنان باستاپ مۇگەدەكتىك جانە اسىراۋشىسىنان ايىرىلعان جاعدايدا تولەنەتىن الەۋمەتتىك تولەمدەردىڭ مولشەرى وسەدى. قازاقستان رەسپۋبليكاسىنىڭ پرەمەر-ءمينيسترى ءاليحان سمايىلوۆ ءتيىستى قاۋلىعا قول قويدى, دەپ حابارلايدى Egemen.kz.
قۇجاتتا 2024 جىلدىڭ 1 قاڭتارىنان باستاپ مەملەكەتتىك الەۋمەتتىك ساقتاندىرۋ قورىنان مۇگەدەكتىك جانە اسىراۋشىسىنان ايىرىلعان جاعدايدا تاعايىندالاتىن الەۋمەتتىك تولەمدەردى 7 پايىزعا ارتتىرۋ كوزدەلگەنى جازىلعان.
بۇل ءوسىم ەڭبەككە قابىلەتتىلىگى جوق 87 مىڭعا جۋىق ادامدى جانە اسىراۋشىسىنان ايىرىلعان 59 مىڭ وتباسىنى قامتيدى. بۇل ماقساتتارعا 5 ميلليارد تەڭگەدەن استام قارجى بولىنەدى.
ايتا كەتەيىك, الەۋمەتتىك كودەكسكە سايكەس, قازاقستان رەسپۋبليكاسىنىڭ ۇكىمەتى مۇگەدەكتىك جانە اسىراۋشىسىنان ايىرىلعان جاعدايدا تولەنەتىن تولەمدەردىڭ كولەمىن جىل سايىن ارتتىرىپ وتىرادى.