بۇگىن سەمەي قالاسىنداعى №40 مەكتەپتىڭ جەرتولەسى وتقا وراندى. انىقتالعانداي, جەرتولەدە تۇرعان ترانسفورماتوردىڭ ەلەكتر سىمدارى تۇيىقتالىپ قالعان, دەپ حابارلايدى Egemen.kz.
اباي وبلىستىق تجد ءباسپاسوز قىزمەتى ءمالىم ەتكەندەي, ءورت سوندىرۋشىلەر مەكتەپكە 5 مينۋتتا كەلىپ جەتكەن. جەدەل ارەكەت ەتكەن تج ماماندارى جالىندى 12 مينۋت ىشىندە وقشاۋلاپ, ساعات 9:41-دە تولىق سوندىرگەن.
وقيعا كەزىندە عيماراتتا بولعان 371 وقۋشى مەن 45 قىزمەتكەر قاۋىپسىز جەرگە كوشىرىلدى. ورتكە بايلانىستى وقۋشىلار قاشىقتان وقىتۋ فورماتىنا اۋىستىرىلعان.