قارقارالىدا ماس جۇرگىزۋشى ءجاسوسپىرىمدى قاعىپ, وقيعا ورنىنان قاشىپ كەتكەن, دەپ حابارلايدى Egemen.kz Polisia.kz سايتىنا سىلتەمە جاساپ.
وقيعا ساعات 19:00 شاماسىندا قارقارالى كوشەلەرىنىڭ بىرىندە بولعان. بۇل تۋرالى قارقارالى اۋداندىق ىشكى ىستەر بولىمىنە حابارلانعان. جەدەل-تەرگەۋ توبى وقيعا ورنىنا بارىپ, ءمان-جايدى انىقتاعان. بەلگىلى بولعانداي, جۇرگىزۋشى جول ەرەجەسىن بۇزىپ, 17 جاستاعى ءجاسوسپىرىمدى قاعىپ, قاشىپ كەتكەن.
ءتۇرلى اۋىرلىقتاعى جاراقات العان جابىرلەنۋشى مەديتسينالىق مەكەمەگە جاتقىزىلدى. پوليتسەيلەر اپاتقا كىنالى 40 جاستاعى ازاماتتى ۇستادى. ساراپتاما كورسەتكەندەي, ەر ادامدار كولىك تىزگىنىنە وتىرماي تۇرىپ ىشىمدىك ىشكەن.
اتالعان فاكتى بويىنشا قر قىلمىستىق كودەكسىنىڭ «كولiك قۇرالدارىن ماس كۇيدە باسقارعان ادامداردىڭ جول ءجۇرىسى نەمەسە كولiك قۇرالدارىن پايدالانۋ ەرەجەلەرiن بۇزۋى» جانە «جول-كولىك وقيعاسى بولعان جەردەن قاشىپ كەتۋ» بابى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.