قۇرلىقتىق حوككەي ليگاسىندا (قحل) ونەر كورسەتەتىن ەلوردانىڭ «بارىسى» تۇراقتى بىرىنشىلىكتىڭ كەزەكتى تۋر ويىنىن سوچيدە جەرگىلىكتى «سوچي» كلۋبىمەن وتكىزدى.
كەيىنگى ءۇش تۋردا ساتسىزدىككە ۇشىراپ, جەڭىلىستىڭ كەرمەك ءدامىن تاتقان جەرلەستەرىمىز ءتورتىنشى ماتچتا جانكۇيەرلەرىن قۋانتا الدى. «بارىس» حوككەيشىلەرى سىرت ايدىنداعى ويىندار سەرياسىنداعى ەكىنشى باسەكەسىن قحل-ءدىڭ «باتىس» كونفەرەنتسياسىندا التىنشى ورىندا تۇرعان «سوچي» كومانداسىمەن وتكىزىپ, ايدىن يەلەرىن 5:3 ەسەبىمەن تىزە بۇكتىردى.
«بولشوي» سپورت كەشەنىندە وتكەن ماتچتا «بارىس» ساپىنان پونتۋس وبەرگ ءدۋبلدىڭ اۆتورى اتانسا, كيريلل ساۆيتسكي, رايلي باربەر, باتىرلان مۋراتوۆ ءبىر-ءبىر مارتەدەن دالدىك تانىتتى. ال ايدىن يەلەرىنەن ماتۆەي ميچكوۆ, سەرگەي پوپوۆ جانە «بارىستىڭ» ەكس-قورعاۋشىسى دجەسسي گرەم كوزگە ءتۇستى.