رەسپۋبليكا كۇنى مەرەكەسى اياسىندا ەلىمىزدىڭ بارلىق وڭىرلەرىندە «جاڭا قازاقستان. تازا تابيعات» اتتى ەكولوگيالىق اكتسيا ءوتتى, دەپ حابارلايدى Egemen.kz ەكولوگيا جانە تابيعي رەسۋرستار مينيسترلىگىنىڭ ءباسپاسوز قىزمەتىنە سىلتەمە جاساپ.
جالپىعا بىردەي رەسپۋبليكالىق سەنبىلىككە بارلىق ءوڭىر ازاماتتارى شىقتى. مۇنداي ءىس-شارالار ازاماتتىق بەلسەندىلىك پەن بىرلىكتىڭ جانە قورشاعان ورتانى جاقسارتۋعا دەگەن جالپى ۇمتىلىستىڭ جارقىن كورسەتكىشى.
سەنبىلىككە 270 مىڭنان استام ادام قاتىستى. ەلوردادا ەكولوگيا جانە تابيعي رەسۋرستار مينيسترلىگىمەن بىرلەسىپ س.سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتىنىڭ جانە ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ەكولوگ-ستۋدەنتتەرى قاتىستى.
رەسپۋبليكا بويىنشا اكتسيا بارىسىندا 40 مىڭنان استام قالدىق جينالدى. جينالعان قوقىس سۇرىپتالىپ, قايتا وڭدەۋگە 1200 توننا شىنى, 3150 توننا پلاستيك, 420 توننا رەزەڭكە, 1300 توننا قاعاز جانە كارتون, 890 توننا مەتالل تاپسىرىلدى.
استانادا قاراسۋ وزەنى بويىنا وتىرعىزىلعان 40 مىڭ اعاش كوشەتىنىڭ 200 كوشەتىن اتالعان مينيسترلىك قىزمەتكەرلەرى وتىرعىزدى. الداعى مەرەكەگە وراي ءىس-شارا وتەتىن جەردە مينيستر اۋماقتىق ەكولوگيا دەپارتامەنتتەرىنە 11 اۆتوكولىكتىڭ كىلتىن سالتاناتتى تۇردە تابىستادى.
ء«ىس-شاراعا قاتىسقانداردىڭ بارلىعىنا العىسىمىزدى بىلدىرەمىز. تازا جانە جارقىن ەل ءۇشىن بىرلەسكەن كۇش-جىگەرىمىزدى كەلەشەكتە جالعاستىرامىز دەگەن ۇمىتتەمىز», دەدى ۆەدومستوۆودان.