الماتى قالاسىندا اتاۋى جوق سكۆەر اتاتۇرىكتىڭ ەسىمىمەن اتالۋى مۇمكىن, دەپ حابارلايدى Egemen.kz.
اكىمدىك پەن قالا ءماسليحاتىنىڭ بىرلەسكەن شەشىم-جوباسى اشىق نقا پورتالىندا جاريالاندى.
قۇجاتتا: «الماتى قالاسى, بوستاندىق اۋدانى, ءال-فارابي داڭعىلىنىڭ وڭتۇستىگى, س.سەيفۋللين داڭعىلىنىڭ شىعىسى مەكەنجايىنداعى, «حالىق بانكى» مەن «Almaty Theatre» عيماراتتارىنىڭ اراسىنداعى اتاۋى جوق سكۆەرگە «اتاتۇرىك سكۆەرى» اتاۋى بەرىلسىن», دەلىنگەن.
قۇجات قالا اكىمى مەن ءماسليحات توراعاسى قول قويىپ, العاشقى رەسمي جاريالانعاننان 10 كۇننەن كەيىن كۇشىنە ەنەدى.
اتالعان شەشىم-جوبا 3 قاراشاعا دەيىن كوپشىلىكتىڭ تالقىلاۋىندا بولادى.